Ueyn Runi: Viktor Gyokeres Arsenalning muvaffaqiyatlarida asosiy omil
Angliya terma jamoasining sobiq sardori Ueyn Runi shved hujumchisi Viktor Gyokeres Arsenalning muvaffaqiyatlarida asosiy omil bo'layotganini bildirdi. Yozgi transfer oynasida Sporting CP klubidan 64 million funt sterling evaziga kelib qo'shilgan futbolchi barcha musobaqalarda 21 ta gol urib, Tyerri Anri va Ian Rayt kabi afsonaviy o'yinchilar qatoridan joy oldi.
Ueyn Runi Viktor Gyokeres Arsenal hujum chizigʻini butunlay oʻzgartirganiga ishonch bildirmoqda. Angliya terma jamoasining sobiq sardori shved hujumchisining maydondagi harakati va jismoniy tayyorgarligi jamoa qanot futbolchilari uchun boʻsh hududlar yaratishda hal qiluvchi ahamiyat kasb etayotganini taʼkidladi. Bu haqda Goal.com xabar beradi.
Yozgi transfer oynasida Sporting CP klubidan 64 million funt sterling evaziga Arsenal safiga kelib qoʻshilgan Gyokeres dastlabki qiyinchiliklardan soʻng oʻz oʻyinini topib oldi. Hozirda u barcha musobaqalarda 21 ta gol urib, Tyerri Anri va Ian Rayt kabi afsonaviy futbolchilar qatoridan joy oldi.
Runi SkyBet’ning The Overlap dasturida qilgan chiqishida hujumchini himoya qilib, uning himoyachilarni chalgʻitish qobiliyatini alohida eʼtirof etdi. Uning soʻzlariga koʻra, Gyokeresning raqib himoyachilarini oʻzi bilan band qilishi Bukayo Saka va Eberechi Eze kabi futbolchilarga erkinroq harakat qilish imkonini bermoqda.
Garchi Erling Xoland toʻpurarlar poygasida yaqqol peshqadam boʻlsa-da, Runi shved futbolchisining taktik ahamiyati Arsenal uchun chempionlik yoʻlida hal qiluvchi omil boʻlishini taxmin qilmoqda. Agar Arsenal Angliya Premer-ligasi va Chempionlar ligasida gʻolib chiqsa, bunga aynan Gyokeresning qoʻshgan hissasi katta boʻladi.
Izohlar 0
…