Ueyn Runi Chelsi transferlarini keskin tanqid qildi

Manchester Yunayted afsonasi Ueyn Runi Chelsi klubining so‘nggi transfer siyosatini keskin tanqid ostiga oldi. U ayniqsa, Alejandro Garnacho va Jeymi Gittensning jamoaga jalb etilishini "juda g‘alati" deb atadi. Bu haqda Goal.com xabar beradi.

Runi Noni Maduekening Arsenalga sotib yuborilishini tushunarsiz qaror deb hisoblaydi. Uning fikricha, Chelsi tarkibni muvozanatlash va tajribali futbolchilarni jalb etish o‘rniga, samarasiz transferlarga katta mablag‘ sarflagan.

Statistikaga ko‘ra, Noni Madueke Arsenal safida ajoyib o‘yin ko‘rsatayotgan bo‘lsa, Jeymi Gittens va Alejandro Garnacho Chelsi tarkibida kutilgan natijani bera olmayapti. Garnacho atigi bitta gol bilan cheklangan bo‘lsa, Gittens ham o‘zini ko‘rsatishda qiynalmoqda.

Ueyn Runi jamoada ortiqcha futbolchilarni sotib yuborish va yoshlarga yordam beradigan tajribali o‘yinchilarni tarkibga qo‘shish kerakligini ta’kidladi. Shuningdek, u yangi bosh murabbiy Xabi Alonso qo‘l ostida klub kelajagiga nisbatan ijobiy umidlar bildirgan.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing