Manchester Yunayted himoyachisi Harry Maguire Angliya Premer-ligasidagi chempionlik poygasi haqida o‘z fikrlari bilan o‘rtoqlashdi. Futbolchi joriy mavsumda ham Arsenal, ham Manchester Siti jamoalariga qarshi maydonga tushganidan so‘ng, londonliklar jamoasini Pep Guardiola shogirdlaridan ko‘ra kuchliroq deb hisoblashini ta’kidladi. Bu haqda Goal.com xabar beradi.
Maguire Arsenal jamoasining taktik jihatdan tartibli ekani va himoyadagi ishonchli o‘yini ularni raqiblaridan ajratib turishini qayd etdi. Uning so‘zlariga ko‘ra, Mikel Arteta boshchiligidagi jamoa maydonda juda yaxshi muvozanatga ega va ularning himoya chizig‘ini yorib o‘tish juda mushkul.
"The Overlap" dasturida so‘zga chiqqan himoyachi shunday dedi: "Men har ikkala jamoaga qarshi ham o‘ynaganman. Rostini aytsam, Arsenalga qarshi bahslarda ular kuchliroq taassurot qoldirgan. Ular raqibga deyarli imkoniyat qoldirmaydi va juda tartibli o‘yin ko‘rsatadi".
Maguire, shuningdek, Arsenalning jarima maydonchasi ichidagi himoyasi juda mustahkam ekanini alohida ta’kidladi. Uning fikricha, aynan shu jihatlar londonliklarga 22 yillik tanaffusdan so‘ng Angliya chempionligini qo‘lga kiritishda yordam berishi mumkin.
“Zamin”ni Telegramʻda oʻqing!
