Qosimov yana “Bunyodkor”da ish boshlashi mumkin

Tasdiqlanmagan xabarlarga ko‘ra, Toshkentning “Bunyodkor” klubi rahbariyati va murabbiylar shtabida o‘zgarishlar yuzaga kelishi mumkin.

Klubning ushbu mavsumdagi qoniqarsiz natijalardan so‘ng, bosh murabbiy Sergey Lushan o‘rniga Mirjalol Qosimov tayinlanishi mumkin. Ma’lumotlarga ko‘ra, ayni paytda yangi murabbiy hamda klub o‘rtasida muzokaralar boshlangan.

Ta’kidlash lozim, “Bunyodkor” klubi aynan Qosimov bosh murabbiyligida o‘z tarixidagi eng yaxshi natijalarga erishgan. Qosimov boshqaruvida jamoa OChL yarim finaliga yo‘l olgan, shuningdek ikki karra O‘zbekiston chempioni unvonini qo‘lga kiritgan edi. “Zamin”ni Telegramʻda oʻqing!