Angliya terma jamoasi bosh murabbiyi Thomas Tuchel 2026-yilgi Jahon chempionati uchun 26 nafar futbolchidan iborat yakuniy qaydnomani e’lon qildi. Roʻyxatdan Jud Bellingem va Noni Madueke kabi yulduzlar joy olgan boʻlsa, Fil Foden hamda Cole Palmer kabi kutilmagan nomlar tarkibdan tashqarida qoldi. Bu haqda Goal.com xabar beradi.
Jamoaga Harry Kane sardorlik qiladi. Hujum chizigʻida unga Ivan Toney, Ollie Watkins va Marcus Rashford kabi futbolchilar raqobat hamda koʻmak berishi koʻzda tutilgan. Thomas Tuchel 55 kishilik kengaytirilgan roʻyxatdan eng munosiblarini saralab olishda ancha qiyinchilikka duch kelganini ta’kidlab oʻtdi.
Darvozabonlar pozitsiyasida Jordan Pickford, Dean Henderson va James Trafford tanlangan. Himoya chizigʻida esa John Stones, Marc Guehi va Reece James kabi tajribali oʻyinchilar bilan birga Tino Livramento va Jarell Quansah kabi yoshlar ham bor. Yarim himoyada asosiy e’tibor Real Madrid yulduzi Jud Bellingem hamda Declan Ricega qaratiladi.
Eng koʻp muhokamalarga sabab boʻlgan pleymeykerlar pozitsiyasida Bellingham 10-raqamli rolni egallashi kutilmoqda. Shuningdek, Angliya Premer-ligasida chempionlikni nishonlagan Eberechi Eze va Aston Villa vakili Morgan Rogers ham ijodkorlik uchun mas’ul boʻladi.
Angliya terma jamoasi Shimoliy Amerika maydonlarida oʻtadigan turnirda 60 yillik tanaffusdan soʻng nihoyat bosh sovrinni qoʻlga kiritishni maqsad qilgan. Muxlislarning katta umidlari ostida shakllangan ushbu tarkib xalqaro maydonda oʻz soʻzini aytishga tayyor.
“Zamin”ni Telegramʻda oʻqing!
