Lionel Messi jarohat oldimi? Inter Miami murabbiyi holatga oydinlik kiritdi

Lionel Messi Philadelphia Union jamoasiga qarshi kechgan gollarga boy oʻyinda maydonni erta tark etgani sababli muxlislarda xavotir uygʻondi. Argentina terma jamoasi sardori mushaklaridagi muammo tufayli zaxiraga olinishini soʻradi va toʻgʻri kiyinish xonasiga yoʻly oldi. Bu holat 2026-yilgi Jahon chempionati saralash oʻyinlari oldidan xavotirlarni kuchaytirdi. Bu haqda Goal.com xabar beradi.

Uchrashuvning 73-daqiqasida Lionel Messi jarima zarbasini amalga oshirgach, chap oyogʻining yuqori qismini ushlagancha zaxira oʻrindigʻiga ishora qildi. 38 yoshli yulduz maydonni oʻzi mustaqil tark etgan boʻlsa-da, uning kiyinish xonasiga yoʻnalishi Albiceleste lagerida va butun dunyodagi muxlislar orasida turli taxminlarga sabab boʻldi.

Inter Miami bosh murabbiyi Guillermo Hoyos oʻyindan keyingi matbuot anjumanida vaziyatga izoh berib, muxlislarni tinchlantirishga harakat qildi. Murabbiyning soʻzlariga koʻra, bu jiddiy jarohat emas, balki ehtiyot chorasi boʻlishi mumkin. «Hozircha aniq tibbiy hisobot yoʻq, lekin u chindan ham charchagan edi. Maydon ogʻr edi, shuning uchun tavakkal qilmaslikni afzal koʻrdik», dedi murabbiy.

Ushbu jarohat dramasi MLS tarixidagi eng hayratlanarli oʻyinlardan biriga soya soldi. Birinchi boʻlimning oʻzidayoq rekord darajadagi 8 ta gol urildi va jamoalar tanaffusga 4:4 hisobida yoʻly olishdi. Lionel Messi oʻz hisobiga assist yozdirib qoʻydi, Luis Suarez esa xet-trik qayd etib, jamoasining gʻababasini taʻminladi.

Inter Miami tarkibida Rodrigo De Paul ham gol urishga muvaffaq boʻldi va yakunda Herons 6:4 hisobida gʻalaba qozondi. Endilikda barcha eʻtibor Lionel Messi oʻtkazadigan tibbiy koʻrik natijalariga qaratilgan, chunki Argentina terma jamoasining navbatdagi muhim oʻyinlari yaqinlashib kelmoqda.