Arsenal sardori Martin Odegaard shanba kuni Budapeshtdagi "Pushkash Arena"da boʻlib oʻtadigan Chempionlar ligasi finali oldidan oʻz jamoasining imkoniyatlarini yuqori baholadi. Angliya Premer-ligasi chempionligini qoʻlga kiritgan "toʻpchilar" Parij klubiga qarshi bahsda oʻzlariga toʻliq ishonmoqdalar. Bu haqda Goal.com xabar beradi.
Mikel Arteta shogirdlari oʻz tarixlarida ikkinchi bor Yevropaning eng nufuzli turniri finaliga yoʻl olishdi. Garchi amaldagi chempion PSJ favorit hisoblansa-da, Odegaard ichki chempionatdagi gʻalaba jamoaga ulkan ruhiy ustunlik berganini taʼkidladi. Mazkur finalda ilk bor ikki nafar ispan mutaxassisi oʻzaro toʻqnash keladi.
"Biz oʻz jamoamizning sifatini yaxshi bilamiz. Dunyoning eng qiyin chempionati boʻlmish Premer-ligada gʻolib chiqish bizga katta ishonch bagʻishladi. PSJ kuchli jamoa, ammo biz oʻz futbolimizga va natija qozona olishimizga toʻliq ishonamiz. Asosiy eʼtiborimizni oʻz oʻyinimizga qaratganmiz", — dedi Martin Odegaard.
Sardor, shuningdek, jamoaning ichki muhiti va hujumchi Viktor Gyokeres haqida ham toʻxtalib oʻtdi. Shvetsiyalik hujumchining Angliyadagi debyut mavsumini yuqori baholagan yarim himoyachi, uning jamoaga qoʻshgan hissasini "ajoyib" deb atadi. Arsenal aʼzolari mavsumdagi ikkinchi yirik sovrinni qoʻlga kiritish uchun tayyor ekanliklarini bildirishdi.
“Zamin”ni Telegramʻda oʻqing!
