Engilmas chempionni "er tishlatgan" Humoyun hammani hayratga soldi

Rossiyaning Ekaterinburg shahrida tashkil etilgan professional boks kechasida o‘zbekistonlik bokschi Humoyun Rustamovning mahorati muxlisu mutaxassislarni hayratga soldi, deb xabar berdi Sports.uz sayti.

Bungacha professional ringda uchta jang o‘tkazib, atigi bir marotaba g‘alaba qozongan Humoyun o‘ta kuchli raqib - sakkiz uchrashuvning barchasini o‘z foydasiga hal qilgan mezbon bokschi Murad Arslanov bilan raqobatlashdi.

Humoyun Rossiyaning yengilmas chempioniga qarshi jang qiladi

Murad Arslanov o‘tgan yili ozarbayjonlik Rauf Agaevni mag‘lubiyatga uchratib, WBC yo‘nalishi bo‘yicha Evroosiyo chempionlik kamarini qo‘lga kiritgandi. Joriy yilning fevralida professional ringda 30 ta g‘alaba qozongan belaruslik Andrey Isaevdan ushbu kamarni munosib himoya qildi.

Rossiyalik bokschining tajribasi va profiringdagi natijasini inobatga olgan muxlisu mutaxassislar Humoyun Rustamov bilan bo‘lgan jangda Muradning g‘alabasini bashorat qilishdi. Biroq, jangda buning aksi bo‘lib chiqdi. O‘zbekistonlik bokschi ajoyib taktik ishlanmalari orqali raqibiga umuman imkoniyat qoldirmadi.

Olti raundlik jangning oxirida hamyurtimizning kuchli zarbasidan so‘ng chempionaning qovog‘i yorilib ketdi. Biroq, texnik nokaut qayd etilmadi va g‘olib zarbalar hisob-kitobi bo‘yicha aniqlandi.

Jangda mezbonlar vakiliga hech qanday imkoniyat qoldirmagan Humoyun zafar quchdi. Muradning mag‘lubiyatsiz seriyasi o‘zbek o‘g‘loni tomonidan to‘xtatildi.

Ekaterinburgdagi musobaqada qatnashgan hamyurtlarimizdan Feruzbek Yo‘ldoshev va Sherzodbek Mamajonov raqiblariga yutqazib qo‘ydi. “Zamin” yangiliklarini “Telegram”da kuzatib boring