Muhammad Salah faoliyatini Trabzonspor safida davom ettiradi
Liverpuldagi faoliyatini yakunlab, erkin agentga aylangan 34 yoshli Muhammad Salah Trabzonspor bilan ikki yillik shartnoma imzoladi. U Saudiya Arabistoni klublarining takliflarini rad etib, Turkiya Superligasini tanlagan. Trabzonspor futbolchiga yiliga 17 million yevro gonorar taklif qilgan va bu kelishuv Salahni Turkiya futboli tarixidagi eng ko'p maosh oluvchi futbolchiga aylantiradi.
Liverpul klubidagi yorqin davrini yakunlab, erkin agentga aylangan hujumchi Muhammad Salah Turkiya chempionatining Trabzonspor jamoasi bilan ikki yillik shartnoma imzolashga erishdi. Goal.com xabar qilishicha, 34 yoshli misrlik futbolchi uchun kurash yozgi transfer oynasida keskin kechgan boʻlib, u Saudiya Arabistoni klublarining takliflarini rad etgan holda Turkiya Superligasini tanlagan. Bu haqda Goal.com xabar beradi.
Transfer oynasi davomida tajribali vinger uchun bir qator turk grandlari daʼvogarlik qilgan edi. Xususan, Besiktas klubi dastlab asosiy davogar sifatida koʻrilgan boʻlsa-da, moliyaviy cheklovlar va maosh borasidagi kelishmovchiliklar sababli bu transfer amalga oshmadi. Shundan soʻng tashabbudni qoʻlga olgan Trabzonspor rahbariyati futbolchini oʻz loyihasiga ishontira oldi.
Tarixiy moliyaviy shartnoma va Turkiyaga tashrif
Trabzonspor klubi oʻz muxlislarini xabardor qilish uchun ijtimoiy tarmoqlardan faol foydalandi. Rasmiy bayonotga koʻra, Muhammad Salah muzokaralarni yakunlash va tibbiy koʻrikdan oʻtish uchun Istanbulga yetib keladi hamda oʻsha kuni kechqurun Trabzon shahriga yoʻl oladi.Turkiya OAV maʼlumotlariga koʻra, Trabzonspor bu transfer uchun yiliga 17 million yevro miqdoridagi gonorar taklif qilgan. Ushbu ulkan moliyaviy paket Muhammad Salahni Turkiya futboli tarixidagi eng koʻp maosh oluvchi futbolchiga aylantiradi. Jamoa bu orqali Istanbul klublarining ustunligiga barham berib, 2022-yilgi chempionlikni yana qoʻlga kiritishni maqsad qilgan.
Yangi jamoadagi tanish yuzlar va ambitsiyalar
Trabzonspor safida Muhammad Salahni Premer-liga va Yevropa maydonlaridan tanish boʻlgan bir qancha tajribali futbolchilar kutib oladi. Jumlalikdan, tarkibda Manchester Yunayted darvozaboni Andre Onana va sobiq Atletiko Madrid himoyachisi Stefan Savich kabi taniqli oʻyinchilar toʻp surmoqda.Oʻtgan mavsumni Superligada uchinchi oʻrinda yakunlagan va chempion Galatasaraydan sakkiz ochko ortda qolgan Trabzonspor rahbariyati ushbu transferlar evaziga yangi mavsumda yanada yuqori natijalar qayd etishni rejalashtirmoqda. Salahning tajribasi jamoaning hujum chizigʻini keskin kuchaytirishi kutilmoqda.
Izohlar 0
…