Zidan hech qanday muzokaralarsiz «Real» bilan shartnomani uzaytiradi

«Real» bosh murabbiyi Zaynidin Zidan klub bilan amaldagi shartnomani uzaytirishga rozilik bildirgan. Bu haqda Kun.uz nashri xabar tarqatdi.

Manba bergan xabarga ko‘ra, 45 yoshli fransuz mutaxassisi hech qanday muzokaralarsiz, Florentino Peres taklif qilgan va Madrid klubi maqsadga muvofiq deb hisoblaydigan shartnomaga qo‘l qo‘yishga tayyorligini bildirgan. Bitim 2020 yilga qadar mo‘ljallangan bo‘ladi.

Eslatib o‘tamiz, oldinroq murabbiyning yillik maoshi 4,35 million evrodan 8 million evroga oshishi xabar berilgandi.

Ma’lumot uchun, Zidan «Real»ga kelganidan buyon jamoa yutishi mumkin bo‘lgan 9 sovrinning 7tasini qo‘lga kiritishga muvaffaq bo‘ldi. “Zamin”ni Telegramʻda oʻqing!