Osiyoda ishlayotgan TOP-14 murabbiy qit’a futboli kelajagini muhokama qildi

Xabar berganimizdek, 30-31 avgust kunlari Xitoyning Shanxay shahrida OFKning “Elit murabbiylar forumi” bo‘lib o‘tdi.
Qit’amizda faoliyat olib borayotgan eng yetakchi deya e’tirof etilgan 14 nafar murabbiy qatnashgan mazkur forumda Osiyo futbolining kelajagi muhokama etildi.

Xususan, Osiyo Chempionlar Ligasi Yevropa Chempionlar Ligasi bilan solishtirilib, ko‘xna qit’aning eng nufuzli musobaqasidan OChL qaysi jihatlarda ortda qolayotgani, qit’amizning klublar miqyosidagi eng yirik musobaqasini yanada rivojlantirish uchun yana qanday ishlar amalga oshirilishi lozimligi kun tartibidagi asosiy masala bo‘ldi.

Shuningdek, Osiyo Chempionlar Ligasida videotakrorlardan foydalanish, darvoza chizig‘i hakamlari faoliyatini yanada takomillashtirish borasida ham so‘z yuritildi.

Ushbu nufuzli forumda O‘zbekiston chempioni – “Lokomotiv” jamoasi ustozi Mirko Yelichich ham ishtirok etdi.

“OFK elit murabbiylari forumi” qatnashchilari ro‘yxati:

Fabio Kapello – Jiangsu Suning (Xitoy)

Feliks Magat – Shandong Luneng (Xitoy)

Gus Poye – Shanxay Shenhua (Xitoy)

Dragan Stoykovich – Guanchjou R&F (Xitoy)

Andre Villash-Boash – Shanxay SIPG (Xitoy)

Ju Guangyu – Xitoy terma jamoasi sobiq ustozi (Xitoy)

Fu Bo – Guanchjou Evergrand yordamchi murabbiyi (Xitoy)

Choy Kang-Hi – Chonbuk Motors (J. Koreya)

Hvang Sun-Hong – Seul (J. Koreya)

Shimotaira Takahiro – Kashiva Reysol (Yaponiya)

Kevin Maskat – Melburn Viktori (Avstraliya)

Mirko Yelichich – Lokomotiv (O‘zbekiston)

Alirizo Mansurian – Istiqlol (Eron)

Kristian Gross – Al Ahli sobiq ustozi (S. Arabistoni)


Manba: www.lokomotiv.uz “Zamin” yangiliklarini “Telegram”da kuzatib boring