Alisher Nikimbayev uch yil oldingi sirni ochdi

O‘zbekistonlik futbol mutaxassisi Alisher Nikimbayev 2014 yilning 4 oktyabr sanasini yodga oldi.

"Uch yil oldin men o‘sha paytdagi O‘zbekiston terma jamoasi ustozi Mirjalol Qosimov va Bora Milutinovichni uchrashtirish uchun Abu-Dabidan Doxaga uchib borgandim.

Bora terma jamoada maslahatchi-murabbiy lavozimida ishlashga tayyor edi. Ammo kelishuv men, Qosimov va Boraga taaluqli bo‘lmagan jihatlar tufayli amalga oshmay qolgandi.

Aytgancha Doxadan Abu-Dabiga qaytish uchun chiptani o‘z hisobimdan olgandim. So‘nggi yillarda bizning futbolda kim va qay tarzda ishlagani haqidagi kichkinagina fakt edi", - deb yozadi Alisher Nikimbayev feysbukdagi o‘z sahifasida.

Eslatib o‘tamiz, 3 yil oldin saytimizda Milutinovich terma jamoada ish boshlashga yaqinligi haqida xabar chiqqan edi.


Manba: championat.asia “Zamin”ni Telegramʻda oʻqing!