22:13 / 10.10.2015
4 577

«Barselona» og‘ir vaziyatda Messini qo‘llashi borasida rasmiy bayonot bilan chiqish qildi

«Barselona» og‘ir vaziyatda Messini qo‘llashi borasida rasmiy bayonot bilan chiqish qildi
«Barselona» klubi hujumchi Lionel Messini qo‘llashini bildirdi. Eslatib o‘tamiz, argentinalik hujumchi uchun davlat prokurori 22 oylik qamoq jazosi belgilanishini so‘ragan. Bunga sabab sifatida 2007 yildan to 2009 yilga qadar soliqlar to‘lanmagani ko‘rsatilmoqda.

"Klub ayblovni bildirayotganlar orasidagi bu qadar katta farqqa nisbatan hayronligini bildiradi. 25 sentyabrda Messidan ayblovni olib tashlash qarori chiqarilgan edi. Ammo shundan so‘ng davlat prokurori buning aksini gapirmoqda.

«Barselona» klubi mana shunday og‘ir vaziyatda Lionel Messi va uning oilasini to‘liq qo‘llab quvvatlaydi. Klub futbolchini huquqiy, moliyaviy va ma’muriy masalalarda qo‘llashda davom etadi.

«Barselona» sportga oid bo‘lmagan va qabul qilib bo‘lmas qarorlarga qarshi. Bu holat klub va sportchilarning obro‘yiga salbiy ta’sir o‘tkazadi.

Klub o‘z huquqlari uchun yanada faolroq kurashishga tayyor", - deyiladi «Barselona» tomonidan bildirilgan rasmiy bayonotda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » «Barselona» og‘ir vaziyatda Messini qo‘llashi borasida rasmiy bayonot bilan chiqish qildi