Bugun, 10 noyabr kuni Toshkentdagi “Miran” mehmonxonasida O‘zbekiston milliy terma jamoasi bosh murabbiyi vazifasini vaqtincha bajaruvchi Ro‘ziqul Berdiyev ishtirokida matbuot anjumani bo‘lib o‘tdi.
Matbuot anjumanida, shuningdek, terma jamoaga jalb qilingan “Buxoro” hujumchisi Ivan Nagayev ham ishtirok etdi.
“…Rejamiz bo‘yicha bugun va ertaga Toshkentda mashg‘ulot o‘tkazamiz, 12–13 noyabr kunlari esa bevosita BAAda mashg‘ulotlarni davom ettiramiz.
Hozirda tarkibga jalb qilingan barcha futbolchilar yig‘inga sog‘-salomat tarzda yetib kelishdi. Biz BAAga qarshi o‘rtoqlik o‘yinida legionerlar xizmatidan foydalanmay, asosiy e’tiborni yosh futbolchilarn sinovdan o‘tkazishga qaratdik. ”, deya ta’kidladi Ro‘ziqul Berdiyev.
Berdiyev fikrini davom ettirar ekan terma jamoaga bugungi kunda o‘z pozitsiyalarida eng kuchli bo‘lib turgan futbolchilar tanlab olinganini bildirdi.
Nima sababdan Igor Sergeyevning tarkibga jalb qilinmagani haqidagi savolga murabbiy quyidagicha javob berdi:
“Men Igor Sergeyevning hujumchi sifatidagi mahoratiga shubha qilmayman. U juda kuchli futbolchi. Sergeyev so‘nggi vaqtlar ichida kuchli bosimda qolgandi.
Balki, biroz tanaffus uning o‘ziga ham yaxshi ta’sir qilar. Igor Sergeyev kelajakda terma jamoaga ko‘p foyda keltirishiga ishonaman”.
Tadbir davomida uzoq tannafusdan so‘ng tarkibga jalb qilingan Ivan Nagayev ham o‘z fikrlari bilan o‘rtoqlashdi.
“Men uzoq tannafusdan so‘ng ilk bor terma jamoadan taklif oldim. Terma jamoa bu eng muhim, bizning sharafimiz bo‘lgan jamoadir.
Har bir futbolchi bu yerda o‘ynashni orzu qiladi. Men kuch va mahoratimni ishga solib, bu yerdagi o‘z o‘rnimni saqlab qolishga intilaman”, deb aytgan Nagayev. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
G‘azo himoyasidagi oliygohlar yoxud AQSHda "talabalar bahori"
Moskvada "Falungun" sektasi tarafdorlari qo‘lga olindi
Ivan Boshkovich: "O‘yin vaqtidagi emotsiyalar normal holat"
Vashingtondagi maktabda otishma sodir bo‘ldi
Rossiya IIV Ukrainaning amaldagi va sobiq prezidentini qidiruvga berdi
Rossiyada o‘zbekistonlik qul savdogari qo‘lga olindi
Oliy sud 198 nafar qatag‘on qurboniga oqlov hukmi chiqardi
O‘zbekiston tibbiyot OTMda 5 ming nafardan ko‘proq hindistonlik o‘qiyotgani ma’lum bo‘ldi
