«Lokomotiv» murabbiyi ertaga «Zob Ahan» bilan oʻyinda ham gʻalaba qozonmoqchi ekanini aytdi

Bugun «Zob Ahan» – «Lokomotiv» bahsi oldidan har ikki jamoa ustozlari ishtirokida matbuot anjumani tashkil etildi. Andrey Miklyaev tajribali futbolchi Sardor Mirzaev hamrohligida ishtirok etdi.

— Ertaga bizni juda murosasiz bahs kutib turibdi. Zero Eron jamoalariga qarshi oʻynash hamisha qiyin boʻlib kelgan. Ular ancha tajovuzkor oʻyin namoyish etishadi. Qolaversa, biz safarda oʻynaymiz. Raqib esa oʻz ishqibozlari qarshisida maydonda saf tortadi. Biroq «Lokomotiv» uchrashuvda faqat va faqat gʻalabani koʻzlagan holda oʻynaydi. Zero biz bu mavsum Chempionlar Ligasida ham muvaffaqiyatli natijalar qayd etmoqchimiz. Buning uchun nafaqat uyda, balki safar oʻyinlarida ham zafar quchish talab etiladi. Ertaga «Loko» mazmunli oʻyin koʻrsatib, uyga 3 ochko bilan qaytishga urinadi, — dedi tajribali mutaxassis.


“Zamin”ni Telegramʻda oʻqing!