Isroil Madrimov raqibiga hech qanday imkoniyat qoldirmadi

Butunjahon boks seriyalari VIII mavsum janglari davom etmoqda.

Jamoamizning eng kuchli bokschilaridan biri Isroil Madrimov turnirdagi oltinchi jangini Keybar Gonsalezga qarshi o‘tkazdi. Bungacha u to‘rtta jangda g‘olib chiqqan bo‘lsa, Kolumbiyada o‘tgan uchrashuvda nohaqlik qurboni bo‘lgan edi.

75 kg vazn toifasida kechgan bellashuvda Isroil o‘z zarbalari bilan raqibini qarshi olib, uni ancha shoshirib qo‘ydi. Bir gal hattoki nokdaun holatiga tushirdi.

Raund so‘nggida esa venesuelalik bokschi bokschimizning ta’qibidan zo‘rg‘a qochib qutuldi. Jang ko‘ra, Isroil 50:45, 50:43 va 50:41 hisoblarida g‘olib chiqdi.

“Uzbek Tigers” vs “Caciques Venesuela” – 4 : 0. “Zamin”ni Telegramʻda oʻqing!