"Lokomotiv"ning yangi futbolchisi Azizbek Haydarov yangi mavsum oldidan o‘z fikrlarini bildirib o‘tdi. Bu haqda klub matbuot xizmati xabar bermoqda.
- "Lokomotiv" - juda yaxshi jamoa. Klub mutasaddilari menga yaxshi taklif bilan chiqishdi va biz kelishuvga erisha oldik. Bu jamoada yoshligimdan buyon birga o‘ynab keladigan do‘stlarim juda ko‘p. Ulardan ham maslahat oldim, ko‘pchilik bilan birga o‘yladim va shu qarorga keldik.
O‘tgan yili "Bunyodkor" safiga qaytdim. Shu yerdaligimdan foydalanib, "Lokomotiv"ning o‘yinlarini bevosita kuzatdim. Chunki jamoada do‘stlarim juda ko‘p. Yigitlardagi eng yaxshi hususiyatlardan biri - hamjihatlik. Barcha bir oiladek. Klubda o‘ziga yarasha ajoyib atmosfera bor.
O‘yinga kelsak, jamoa o‘tgan mavsumda chiroyli o‘yinlar ko‘rsatdi. Qanday bahs bo‘lsa ham jamoa o‘z uslubini yo‘qotmaydi. Jamoaning o‘yin uslubidan hulosalar chiqargan holda bu yerga keldim. "Lokomotiv"ga qaytganimdan juda ham xursandman.
"Lokomotiv" oldiga har doim o‘z oldiga yuqori maqsadlarni qo‘yadi. Jamoa so‘nggi 3 mavsumda chempionlikni hech kimga bermadi. Jamoaning maqsadi o‘zgarmagan. Chempionlikni, O‘zbekiston kubogini qo‘lga kiritish. Osiyo chempionlar ligasida ham yuqori o‘rinlar uchun kurashamiz. "Lokomotiv" - O‘zbekistondagi eng yaxshi jamoalaridan bittasi. Shu boisdan klub o‘zi qatnashadigan barcha musobaqalarda yuqori maqsadlar uchun o‘ynaydi. Shuning uchun ham ushbu jamoaga keldim. Xudo xohlasa maydonda va uning tashqarisida ushbu maqsadlar yo‘lida jamoaga yordam berishga harakat qilaman.
Hozirda Dubayda yangi mavsum uchun tayyorgarlik ketmoqda. Kuniga 2 mahal mashg‘ulotlarni olib boryapmiz. Futbolchilar ham doim shunday og‘ir mashg‘ulotlardan, qiyinchiliklardan o‘tmasa, mavsum davomida juda qiyin bo‘ladi. O‘zim ham shunday mashg‘ulotlarni sog‘ingandim. Bundan rohatlanyapman. Qiyinchilik bor joyda rohat bo‘ladi. Mashg‘ulot tizimidagi og‘ir vazifalar tufayli futbolchilar qiyinchiliklarga uchramoqda. Shu tufayli keyinchalik o‘yinlarda unchalik qiyin bo‘lmaydi. Ushbu mashg‘ulotlar orqali yuqori cho‘qqilarga intila olamiz.
Terma jamoadagilarning barchasi mening akalarim, ukalarim, do‘stlarim. Termada bo‘lamanmi yoki yo‘q yuragim bilan men ular bilan birgaman. Har doim ularga omad tilayman. Turkmaniston bilan o‘yin arafasidamiz. Umid qilamanki, termamiz o‘z hisobiga 3 ochkoni yozib qo‘yib, keyingi bosqich masalasini hal qiladi. Nasib bo‘lsa, butun bir jamoa bo‘lib o‘yinga borishga harakat qilamiz. Milliy termamizga omad tilayman.
Milliy terma jamoa bizning yuzimiz deb hisoblayman. Ular o‘zlarini ko‘rsata olishsa, chet el klublarida o‘ynashadi. Shu orqali ular milliy jamoamizning yanada kuchayishiga o‘z hissasini qo‘shishadi, - dedi Haydarov. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida muqaddam 8 marotaba sudlangan “soxta operator” qayta jinoyatga qo‘l urdi
Kolumbiya Isroil bilan diplomatik aloqalarni uzdi
Yevropa Ligasi. “Bayer” safarda “Roma”ni taslim etdi, “Marsel” esa “Atalanta” bilan durang o‘ynadi
Ronaldu "Al Nassr"ni Qirol kubogi finaliga olib chiqdi
Jarimalardan 100 mln so‘m qarzi bor avtomobil Qamchiq dovonida ushlandi
Sergey Shoygu: “Ukraina Rossiya bilan urushda 111 mingdan ortiq askarini yo‘qotdi”
2024 yilga subsidiya miqdori belgilandi