3 492
Superliga uchrashuvlari teletranslyatsiyasida yangicha ko‘rinishdagi andozadan foydalaniladi
Yangi mavsumga qizg‘in hozirlik olib borayotgan O‘zbekiston Professional futbol ligasi milliy chempionatimiz uchrashuvlari ommabop va tomoshabopligini oshirish, Superliga brendini yanada ommalashtirish maqsadida qator loyihalarni amalga oshirish arafasida turibdi.
Ularning dastlabkilaridan biri yangi – 2019 yilgi mavsumdan boshlab Superliga uchrashuvlari teletranslyatsiyasi sifati va ko‘rinishini yangi darajaga olib chiqish, uchrashuvlar televizor orqali efirga uzatilganda foydalaniladigan teleeffektlar hamohang va mutanosibligini ta’minlash orqali milliy chempionatimizning bir xil shakldagi hamda tanib olish oson bo‘lgan teleeffektlardan iborat shablonini yaratishdir.
Ya’ni, milliy chempionat o‘yinlari translyatsiyasi boshlanayotganda jamoalar tarkiblari xuddi Yevropaning yetakchi milliy birinchiliklarida bo‘lgani kabi bir xil andoza asosida futbolchilarning harakat orqali chiqib kelishi ko‘rinishida berib boriladi. Qolaversa, takroriy lavhalar va o‘yin hisobi namoyish etiladigan teleeffektlar bir xil ko‘rinishda bo‘lishi ham ko‘zda tutilgan. Bu haqda PFL rasmiy sayti xabar bermoqda.
Shu maqsadda kecha O‘zPFL tomonidan yangi tashkil etilgan telestudiyada ilk fotosessiya va videoshuting jarayoni bo‘lib o‘tdi. Kecha xalqaro maydonda yurtimiz sharafini himoya qilayotgan "Paxtakor" va AGMK jamoalari futbolchi va murabbiylari mavsumoldi fotosessiya va videoshuting jarayonimizni rasman ochib berishdi. Qolgan klublar ham mavjud ketma-ketlik asosida shu kunlarda foto va videoshutingda ishtirok etishadi. Navbatdagi mehmon – mamlakatimizning amaldagi chempioni “Lokomotiv” jamoasi a’zolari bo‘ladi.
Mazkur videoshuting davomida jamoalarning tarkiblari TV orqali tanishtirilishi uchun olingan videolavhalar yakunda milliy chempionatimiz o‘yinlarini teletranslyatsiya qiluvchi Sport telekanaliga taqdim etiladi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi