Ispaniya Kubogi yarim final javob bahsidan o‘rin olgan «Real» – «Barselona» uchrashuvi o‘z nihoyasiga yetdi. «Santyago Bernabeu»da bo‘lib o‘tgan bahsda mehmonlar yirik hisobdagi g‘alabani qo‘lga kiritishdi.
Uchrashuv kutilganidek keskin kurashlarga boy bo‘ldi. Birinchi bo‘limda kichik ustunlik maydon egalari tomonida bo‘ldi. Madridliklar raqib darvozasi oldida bir qator qulay imkoniyatlarga ega bo‘lishdi. Biroq so‘nggi zarbalardagi noaniqlik ularga pand berdi.
Ikkinchi bo‘lim ham mezbonlarning hujumlari bilan boshlandi, biroq katalonlar bitta qarshi hujum bilan gol urishga muvaffaq bo‘lishdi. 50-daqiqada Usmon Dembelening jarima maydoniga uzatgan to‘pini Luis Suares darvozaga joylab qo‘ydi.
Shundan keyin madridliklar bosimni yana oshirishdi, biroq hujumlarning hech biri samara bermadi. 69-daqiqada o‘ng qanotdan tezlik olgan Dembele to‘pni jarima maydoniga uzatdi, u yerda Rafael Varan o‘z darvozasini ishg‘ol qilib qo‘ydi.
Oradan ko‘p o‘tmay Kazemiro o‘z jarima maydoni ichida Suaresni qo‘pollik ishlatib to‘xtatdi. Penaltini jabrlanuvchining o‘zi aniq bajarib, hisobni yirik ko‘rinishga olib keldi.
Shu tariqa, «Real» o‘yinning ko‘p qismida ustunlik qilgan bo‘lsada «Barselona»dan yirik mag‘lubiyatni qabul qilib oldi musobaqani tark etdi. Katalonlar finalda «Valensiya» — «Betis» juftligi g‘olibi bilan kuch sinashadilar.
Ispaniya Kubogi
Yarim final, javob bahsi
Real Madrid – Barselona 0:3 (0:0, 0:3)
Gollar: 0:1 – 50 Suares, 0:2 – 69, avtogol Varan, 0:3 – 73, penalti Suares.
Real Madrid – Navas, Varan, Regilon, Karvaxal, Ramos, Modrich, Kazemiro (Valverde, 75), Vaskes (Beyl, 68), Kroos, Vinisius Junior (Asensio, 81), Benzema.
Barselona – ter Stegen, Langle, Pike, Alba, Serdji Roberto, Rakitich, Buskets (Artur, 86), Dembele (Koutino, 75), Nelson Semedu, Messi, Suares (Vidal, 78).
Ogohlantirishlar: Vaskes (58), Buskets (65), Kazemiro (72), Nelson Semedu (81).
Ilk o‘yin: 1:1
Manba: www.uff.uz “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkentda voyaga yetmagan qizga shilqimlik qilgan yigitga sud hukmi o‘qildi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Surxondaryoda dunyodagi eng katta so‘zana tikildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi
“Ot aylanib qozig‘ini topadi” deyishardi, men “qozig‘imni” topolmadim (Hayotiy hikoya)
Istanbuldagi 1 may namoyishlarida 140 dan ortiq kishi hibsga olindi
Dunyodagi eng tez superkar konsepsiyasi ishlab chiqildi (video)