Taniqli murabbiy Baxtiyor Ashurmatov «Surxon» klubi bosh murabbiyi etib tayinlandi.
Klub matbuot xizmati xabariga ko‘ra, bu haqda bugun, 27 iyun kuni bo‘lib o‘tgan navbatdan tashqari yig‘ilishda ma’lum qilingan.
Majlisni «Surxon» klubi bosh direktor o‘rinbosari Alisher Rustamov ochib bergan. Unda jamoaning barcha a’zolari ishtirok etgan.
«Menga bildirilgan ishonch uchun avvalambor «Surxon» futbol klubi rahbariyatiga o‘z minnatdorchiligimni bildiraman. Ishonamanki, biz bir oila bo‘lib shakllanib, faqat yuqori maqsadlar sari intilamiz», – degan Ashurmatov.
Baxtiyor Ashurmatov kuni kecha bu lavozimdan iste’foga chiqqan Andrey Miklyayevning o‘rnini egalladi.
Eslatib o‘tamiz, Ashurmatov o‘tgan mavsumda Olmaliqning OKMK klubini O‘zbekiston kubogi g‘olibligi sari boshlab borgan edi. Shundan so‘ng dekabrda «Buxoro» bosh murabbiyi qilib tayinlangan va iyul oyi boshida qoniqarsiz natijalar tufayli ishdan bo‘shatilgan edi.
Termiz shahri jamoasi Superligada mavsumning birinchi yarmini kuchli uchlikda yakunlashi mumkin. Buning uchun jamoa 29 iyun, shanba kuni «Nasaf» maydonidan mag‘lubiyatsiz qaytishi kerak.
Qarshidagi o‘yin soat 20:00da boshlanadi. Uni Temur To‘xtasinov boshqarib boradi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Dunyoning mashhur ayollari kunni qanday boshlaydi?
Omega-3 qanday qilib ozishga yordam beradi?
Turkiya Isroil prezidenti samolyotini havo hududiga kiritmadi
Shimoliy Koreya Rossiyaga uzoqqa zarba beruvchi qurollar yubordi
Kim Chen In harbiylarni jangovar holatda turishga chaqirdi
Rashida Tolib Kongress a’zolariga «achchiq haqiqat»ning suratini ko‘rsatdi
Eron AQSHdan 1 trln dollar kompensatsiya talab qildi
