Superliganing 15-turi doirasidagi "Lokomotiv" - "Dinamo" (2:0) uchrashuvidan keyin mezbonlar bosh murabbiyi Samvel Babayan o‘z fikrlarini bildirib o‘tdi.
- Umuman olganda qiyin o‘yin bo‘ldi. Endi "Lokomotiv"ning oldida oson o‘yinlar bo‘lmaydi. Barcha raqiblar bizga qarshi o‘zgacha kayfiyatda maydonga tushishmoqda. "Dinamo"ning oldingi o‘yinini ham tomosha qilgandik. Bugungi bahs bilan solishtirsak, "Dinamo" ikki xil o‘yin namoyish qildi. Ammo ko‘proq e’tiborni men o‘z jamoamga berishni istayman. Ruhiy tushkunlikdan chiqib olib, g‘alaba qozongani uchun yigitlarga rahmat aytaman. O‘yin davomida uzoq vaqt gol ura olmaganimiz uchun bugun bir necha vaziyatlarda biroz asabiylashdik.
E’tiborlisi, gollarni hujumga javob beradigan futbolchilar kiritdi. Endi biz ko‘proq g‘alabalarga erishib, muxlislarimizni xursand qilishga harakat qilamiz. O‘yin sifati va natijasi borasida hali anchagina ishlashimiz kerak.
- Jizzaxdagi mag‘lubiyatdan keyin nimalarni o‘zgartirishga harakat qildingiz?
- Agarda ushbu o‘yinlarni solishtiradigan bo‘lsak, biz Jizzaxda ko‘proq vaziyatlar yarata olib, yanada yaxshiroq o‘ynagandik. Vaziyatlardan gol kiritishda muammolarga uchrayapmiz. Ikkinchi bo‘limda esa katta tashabbusga erisha olgandik. Yetakchi jamoalar mag‘lubiyatga uchraganidan keyin yigitlarni ruxlantirish qiyin bo‘ladi. Mag‘lubiyatlarga kam uchraydigan futbolchilarga kerakli so‘zlarni topa bilish darkor. Chunki ular hali ko‘p kurashishlari kerak.
- Bugun debyut o‘yinidayoq gol kiritgan Medina Smitning o‘yini haqida fikringiz.
- Uni davralar oralig‘ida ijaraga oldik. Umuman olganda yosh bo‘lsa ham anchagina iqtidorli va tajribali. U ikkinchi davrada "Lokomotiv"ga yanada yaxshiroq o‘ynashi uchun yordam bera oladi.
Manba: championat.asia “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ruslar Abrams tanklarining zaif tomonini topishdi
Ortiqcha vaznli insonlar uchun sog‘lom ovqatlanishning beshta muhim qoidasi
Zoir Mirzayev “Telefonsiz maktab”ga 300 mln so‘m mukofot berdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi