Nijegorod oblasti gubernatori kubogida uchinchi o‘rin uchun bahsda «Humo» xokkeychilari Minskning «Dinamo» jamoasini 5:1 (2:0, 3:0, 0:1) hisobida mag‘lubiyatga uchratdi, deb xabar beradi Kun.uz nashri «Torpedo» XK matbuot xizmatiga tayanib.
Uchrashuvdagi birinchi shayba 44-soniyada urildi - «Torpedo» sobiq himoyachisi Aleksey Pepelyayev o‘z nomini tabloga yozdirib qo‘ydi. Keyinchalik «Dinamo» a’zolari to‘rt marta chetlatildi, buning uchun ular yana bitta o‘tkazib yuborilgan shayba bilan jazolandi. «Humo»ning ustunligi Ivan Yatsenko tomonidan mustahkamlandi - 2:0.
Ikkinchi bo‘limda toshkentliklar g‘alabali odimi davom etdi. «Humo» o‘yinchilari - Yevgeniy Grigorenkoning dubli va Pavel Zdunovning shaybasi hisobni 5:0 ko‘rinishiga olib keldi.
Uchinchi bo‘lim boshida «Dinamo» o‘yinda intrigani jonlantirdi. Aleksandr Pavlovich bitta shayba urdi, bir daqiqadan so‘ng esa minskliklar bullit huquqiga ega bo‘lishdi. Afsuski, Ivan Drozdov jarimani aniq amalga oshira olmadi va o‘yinga qaytish uchun yo‘l to‘sildi. Yevgeniy Popixin shogirdlari o‘yinni ishonchli tarzda yakunlashdi hamda o‘z yangi tarixidagi birinchi sovrinni qo‘lga kiritishdi. Uchinchi o‘rin uchun Kichik kubok Toshkentga yo‘l oldi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR Rossiyaga 100 minggacha harbiy yuborishi mumkin
Global ochlik va qashshoqlikka qarshi kurash alyansiga 82 mamlakat a’zo bo‘ldi
Tyumen oblastiga O‘zbekistondan mehnat migrantlari ishga jalb qilinadi
Xatolar va mag‘lubiyatlar... ular kechiriladimi?
Omega-3 qanday qilib ozishga yordam beradi?
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Ijtimoiy tarmoqlar davrida ruhiy salomatlikni qanday saqlash mumkin?
Turkiya Isroil prezidenti samolyotini havo hududiga kiritmadi
