12:23 / 30.10.2019
2 828

Ronalduni oltinchi "Oltin to‘p"ni olishi haqida bashorat qilishdi

Ronalduni oltinchi "Oltin to‘p"ni olishi haqida bashorat qilishdi
Turinning "Yuventus" klubi hujumchisi Krishtianu Ronaldu ushbu mavsumda "Oltin to‘p"ni yutadi. Bu haqda Sorriere dello Sport nashriga tayanib, The Sun xabar bermoqda.
Nashrning xabar berishicha, mukofotni taqdim etishda ishtirok etgan France Football jurnali vakillari Turinda bo‘lib, Ronaldu bilan uchrashishdi. Ta’kidlanishicha, ular hujumchidan intervyu olishgan va unda portugaliyalik karerasidagi oltinchi "Oltin to‘p" haqida muhokama qilishgan.
O‘tgan mavsumda Madridning "Real" yarim himoyachisi Luka Modrich "Eng yaxshi o‘yinchi" mukofotiga sazovor bo‘lgan edi. Bu safar u "Oltin to‘p" da’vogarlari qatoriga kirmadi.
Marosim 2 dekabr kuni Parijda "Shatle" teatrida bo‘lib o‘tadi. Ronaldudan tashqari "Barselona" hujumchisi Lionel Messi va "Liverpul" himoyachisi Virjil van Deyk ham mukofot uchun da’vogarlik qilmoqda.
Ronaldu - "Oltin to‘p"ning besh karra g‘olibi. Shuningdek, hujumchi Chempionlar Ligasini yutgan va Portugaliya terma jamoasi tarkibida Yevropa chempioni bo‘lgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Sport » Ronalduni oltinchi "Oltin to‘p"ni olishi haqida bashorat qilishdi