27:0 hisobida g‘alaba qozongani uchun murabbiy ishdan bo‘shatildi

^{Foto: «Football-italia.net»}
«Inviktasauro» yoshlar jamoasi murabbiyi «Marina Kalcho» jamoasini 27:0 hisobida mag‘lub etgani uchun ishdan bo‘shatildi.
Klub prezidenti Paolo Brogellining fikricha, bunday g‘alaba raqibga nisbatan hurmatsizlik hisoblanadi.

— Bu yoshlar futboli qadriyatlariga mos kelmaydi. Raqibni hamisha hurmat qilish kerak, lekin bunday bo‘lmadi. Bizning direktorlarimiz bir ovozdan murabbiyni ishdan bo‘shatishga qaror qilishdi, — deya Brogellining so‘zlarini keltiradi «Football Italia».

Shuningdek, u mag‘lub bo‘lgan jamoadan uzr so‘radi. “Zamin”ni Telegramʻda oʻqing!