17:43 / 22.01.2015
4 849

Janubiy Koreyaga 120 daqiqa dosh bera olmadik

Janubiy Koreyaga 120 daqiqa dosh bera olmadik
O‘zbekiston terma jamoasi Janubiy Koreyaga qarshi bo‘lib o‘tgan 120 daqiqalik mardonavor jangda mag‘lubiyatga uchradi. Vaholanki, jamoamiz raqib darvozasini ishg‘ol qilishi mumkin edi, bir emas, bir necha marta!

Golli vaziyatlarni sanaymiz:
6-daqiqa. Odil Ahmedov tomonidan o‘ng qanotdan etkazilgan to‘pni darvozabon maydonchasiga etkazib berdi. To‘raev to‘pga bosh bilan intildi. To‘p uning boshiga birozgina tegdi, ammo to‘p darvoza tomon burilmadi.

17-daqiqa. Muhammmadievning o‘ng qanotdan uzatmasidan keyin himoyachining boshida to‘p Tursunovga kelib tushdi. Sanjar yakkama-yakka vaziyat zarba yo‘lladi. Oldinga chiqib kelgan darvozabon ko‘kragi bilan zarbani qaytardi.

18-daqiqa. Denisov to‘pni jarima maydonchasiga etkazdi. Odilning 7-8 metrdan yo‘llagan zarbasi darvoza ustidan o‘tib ketdi.

63-daqiqa. To‘raev maydon markazidan pas bilan Rashidovni birga bir vaziyatga chiqardi. Sardor to‘p havodan erga tushayotganida o‘ziga bo‘ysundirganida, hammasi joyida bo‘lardi. Ammo keyinchalik darvozabon to‘pni yon tomonga urib yubordi.

78-daqiqa. Jamoamiz Muhammadiev-Tursunov-Rashidov kombinasiyasini amalga oshirishdi. Sardor bir himoyachidan o‘tib ketib, olis ustun tomonga etkazdi. To‘raev esa bo‘sh darvozani bosh bilan ishg‘ol qila olmadi.

112-daqiqa. Rashidov chap qanotdan to‘pni jarima maydonchasi ichida ochilgan Igorga uzatdi, ammo hujumchi to‘pni o‘ziga bo‘ysundirish chog‘ida xatoga yo‘l qo‘ydi va Kvak Te Xvi to‘pni maydon tashqarisiga chiqarib yubordi.

Koreya ham taxminan shuncha imkoniyatga ega bo‘ldi, balki ular bir-ikkita vaziyatni ko‘proq yaratishgandir. Bu muhim emas. Muhimi, terma jamoamiz to‘g‘ri strategiya ostida o‘ynadi, imkoniyatlardan foydalanish kerak, himoyada xato qilmaslik kerak edi.

Ammo xato qildik. Barchamiz maqtagan Shuhrat Muhammadiev 120 daqiqa o‘ynashga tayyor emasligi ma’lum bo‘lib qoldi. Uning birgina xatosi biz uchun qimmatga tushdi. Bunday pallada jarima maydonchasi ichida to‘pni tavakkal tepib yuborish kerakda!...

Yana 15-17 daqiqa davomida darvozamizni qo‘riqlay olganimizda, Qosimov zaxiradan tushirish uchun Eldorbek Suyunovni ushlab turgandi. Ammo ish penaltilar seriyasigacha etib bormadi. 120-daqiqada o‘tkazib yuborilgan gol esa koreyaliklarga xotirjamlik bag‘ishlada xolos.

Osiyo kubogi biz uchun yakunlandi. Kurashdik, oxirigacha kurashdik. Bizga biroz omad etishmadi. Omad esa kuchlilarga kulib boqadi. Shunday bo‘lsa-da, so‘nggi 2ta o‘yinda borini berib harakat qilgan yigitlarga minnatdorchilik bildiramiz.

Osiyo kubogi-2015. Chorak final
JANUBIY KOREYa - O‘ZBEKISTON - 2:0.

Asosiy vaqt - 0:0. Qo‘shimcha bo‘limlar - 2:0
Gollar: Son Xeng Min (103, 120)
Ogohlantirishlar: Kvak Te Xvi (55) — Vitaliy Denisov (56), Anzur Ismoilov (86)
Janubiy Koreya: 23.Kim Jin Xyon, 2.Kim Chang Su (Cha Du Ri 69), 5.Kvak Te Xvi, 19.Kim Yong Gvon, 3.Kim Jin Su, 6.Park Ju Xo, 16.Ki Sung Yeung, 11.Li Keun Xo (Jang Xyun Su 111), 10.Nam Te Xi, 7.Son Xeung Min, 18.Li Jeong Xyeop
O‘zbekiston: 12.Ignatiy Nesterov, 5.Anzur Ismoilov, 3.Shavkat Mullajonov, 19.Vitaliy Denisov, 14.Shuhrat Muhammadiev, 7.Azizbek Haydarov, 13.Lutfulla To‘raev (Jamshid Iskanderov 85), 9.Odil Ahmedov (Temur Kapadze 30), 17.Sanjar Tursunov (Igor Sergeev 105+1), 4.Sardor Rashidov, 6.Bahodir Nasimov
Bosh hakam: Fahad al-Mirdasiy (Saudiya Arabistoni)

Manba: www.stadion.uz.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Janubiy Koreyaga 120 daqiqa dosh bera olmadik
[/banner_pushhouse