Eron terma jamoasini yaqinda Dragan Skochich qabul qilib oldi. Ma’lumki, eronliklar JCH-2022 saralash bosqichida kutilgan natijani qayd eta olishmayapti. Jamoa safarda Iroq va Bahraynga imkoniyatni boy bergan holda guruh jadvalida 3-o‘rinni egallab turibdi.
Mark Vilmots o‘rniga taklif etilgan xorvatiyalik murabbiy Eron terma jamoasini jahon chempionatiga olib chiqishga va’da berdi.
"Avvalo shuni aytishim kerak, Eron terma jamoasini boshqarish men uchun katta sharaf, - deydi Dragan Skochich. - Bu yurt futboli haqida tasavvurga egaman va futbolchilarini kuchli deb hisoblayman. Men Eronga ijobiy xislatlar ulashish uchun keldim, bu esa ayni paytda terma jamoaga nihoyatda kerak".
"Biz oltinchi bor mundialga borishni xohlaymiz, shuning uchun ham bu yerga keldim. O‘ylashimcha, terma jamoada nimadir xato ketgan, buni to‘g‘rilash esa mening vazifamga kiradi. Bugundan boshlab 24 soat davomida klublar bilan muloqotda bo‘laman. Terma jamoaga loyiq har bir futbolchi bilan alohida gaplashaman", - deydi 51 yoshli mutaxassis.
Ma’lumot uchun, Dragan Skochich o‘z paytida Eronning "Malavan" va "Fulad" klublarini boshqargan hamda mamlakat futbolini juda yaxshi biladi.
"Terma jamoa eshigi hamma uchun birdek ochiq. Men faqat eng yaxshilarnigina taklif etaman. Avvalo o‘yin sifatini yo‘lga qo‘yib olishimiz lozim. Ba’zi o‘yinlarda ko‘rdimki, muammolar bor va mart oyigacha buni yo‘qotish ustida ishlaymiz. Mana ko‘rasiz, biz yanada kuchayib qaytamiz. Men besh yildan beri Eronda ishlab kelyapman va jahon chempionatiga chiqish muxlislarni qanchalik xursand qilishini juda yaxshi tushunaman".
Eron Bahrayn va Iroqdan mag‘lub bo‘lib qimmatli ochkolarni boy berdi. Ayni paytda forslar Iroqdan 5 ochko, Bahrayndan esa 3 ochko ortda qolishyapti. Ma’lumot uchun, JCH-2022 saralashning hozirgi bosqichida 32 jamoa kurash olib boryapti. Jamoalar to‘rttadan 8 guruhga bo‘lingan. Guruhlardan 8ta birinchi o‘rinni egallagan hamda 4ta eng yaxshi ikkinchi o‘rin egalari keyingi bosqichga chiqadi.
Eron saralashning navbatdagi uchrashuvini 26 mart kuni Gonkongga qarshi o‘tkazadi. Lekin baribir hal qiluvchi o‘yinlar 4 va 9 iyun kunlari Bahrayn va Iroqqa qarshi bo‘lib o‘tadi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi
