28 fevral kuni AQSHning Las-Vegas shahridagi Sam's Town Hotel & Gambling Hall boks majmuasida navbatdagi professional boks musobaqasi o‘tkaziladi, deya xabar tarqatdi vRINGe.com sayti. E’tiborlisi, musobaqaning markaziy jangida -63,5 kg vazn toifasida xamyurtimiz Sanjarbek Rahmonov amerikalik Kit Xanter bilan ro‘baro‘ keladi.
Faoliyati mobaynida Kit Xanter 11 ta jang o‘tkazib, barchasida g‘alabaga erishgan. Andijon boks maktabi tarbiyalanuvchisi Rahmonov esa profi boksda 15 ta jangning 12 tasini g‘alaba, 2 ta mag‘lubiyat va bitta durang bilan yakunlagan. Hamyurtimizning 2 ta mag‘lubiyatidan bittasiga aynan Xanterdan 2019 yilda uchraganligini inobatga olsak, jang murosasiz kechishi shubhasiz.
29 fevral kuni esa AQSHning Texas shtati Frisko shahridagi The Ford Center at The Star boks majmuasida esa hamyurtimiz Isroil Madrimov venesuelalik 40 yoshli Charli Navarro bilan -69,9 kg vazn toifasida bahslashadi. Ahamiyatlisi, ushbu bellashuv WBA chempionlik kamari uchun da’vogarni aniqlash uchrashuvi ekanligi bilan ko‘pchilikda katta qiziqish uyg‘otmoqda.
Xuddi shuningdek, aynan 29 fevralda yana bir qator yosh professional bokschilarimizdan Olimjon Nazarov, Abdurasul Ismoilov va Ravshanbek Shermatov Kambodjaning Bavet shahridagi bellashuvlarda ishtirok etishadi. Olimjon Nazarov o‘ziga tegishli bo‘lgan WBO Oriental kamarini filippinlik Orli Silvestrdan himoya qilsa, Ravshanbek Shermatov va Abdurasul Ismoilov mahalliy bokschilarga qarshi reyting janglarini o‘tkazishadi.
To‘lqin RO‘ZIYEV
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
AQSHning Markaziy Osiyo davlatlari bo‘yicha strategiyasida Rossiya va Xitoyning tilga olinishi
Eron Afg‘oniston bilan chegarasida beton devor qurishni boshladi
Otabek G‘ulomxo‘jayev: "Tarixiy g‘alaba orqali o‘zbek xalqiga xursandchilik ulashgan yigitlarga rahmat"
Toshkent viloyatida ikki yigit taksi haydovchisining joniga qasd qilmoqchi bo‘ldi
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Gurjiston parlamentida «chet el agentlari» to‘g‘risidagi qonun tufayli mushtlashuv yuz berdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi