Foto: «Nasaf» matbuot xizmati
Turkmanistonlik mutaxassis Tachmurod Agamurodov «Qizilqum» klubi bosh murabbiyi etib tayinlandi.
«Championat.asia»ning xabar qilishicha, Agamurodov bundan keyin navoiyliklar klubini boshqarib boradi. 67 yoshli mutaxassis «Qiziqum»da Hamidjon Aktamovning o‘rnini egalladi. Biroq bu haqda klub hali rasmiy ma’lumot bergani yo‘q.
Ma’lumot uchun, Tachmurod Agamurodov Turkmanistonning «Neftchi», «Nisa» va boshqa bir qator klublari, Qozog‘istoning «Qayrat» jamoasini boshqargan.
Mutaxassis O‘zbekistondagi faoliyatini 2001 yilda «Paxtakor»da boshlagan va toshkentliklar klubida 2006 yilga qadar ishlab, to‘rt marta O‘zbekiston chempionati va uch bor mamlakat Kubogida zafar quchgan. Shuningdek, Agamurodov «Dinamo Samarqand» (2007-2008 va 2014-2015), «Lokomotiv» (2010-2011), «Sho‘rtan» (2011), «Buxoro» (2012-2013) kabi jamoalarni boshqargan. O‘tgan mavsum ikkinchi yarmida Agamurodov «Dinamo» bosh murabbiyi etib tayinlgandi, biroq mutaxassis jamoani Superligada olib qola olmadi.
«Qizilqum» klubini 2016 yildan buyon Hamidjon Aktamov boshqarib kelayotgandi. Avvalroq mutaxassis klub rahbariyatidan joy olishi haqida xabarlar tarqalgandi.
Eslatib o‘tamiz, mart oyi boshlarida «Qizilqum»da prezident o‘zgargan va sobiq hakam Hasan Ro‘ziyev rahbariyat tepasiga kelgandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global Janub kimniki?
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ruslar Abrams tanklarining zaif tomonini topishdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Mariya Zaxarova ukrainaliklarni Amerika hindulariga o‘xshatdi
Uchar avtomobil yo‘lovchi bilan birinchi parvozini amalga oshirdi (video)
Zoir Mirzayev “Telefonsiz maktab”ga 300 mln so‘m mukofot berdi