Bugun, 11 iyul kuni «Dinamo» jamoasi qarorgohida yig‘ilish o‘tkazildi. Unda Samarqand viloyati jismoniy tarbiya va sport boshqarmasi boshlig‘i Shuhrat Ro‘ziyev, klub rahbariyati va jamoa futbolchilari ishtirok etishdi. Bu haqda klub matbuot xizmati xabar berdi.
Tadbirda so‘zga chiqqan Shuhrat Ro‘ziyev «Dinamo» jamoasining bu yilgi maqsad va vazifalari haqida atroflicha so‘z yuritib, joriy mavsumda viloyat rahbariyati va homiylar tomonidan klub oldiga eng avvalo Superligaga chiqish vazifasi qo‘yilganligi, shu maqsadda o‘zbek futbolida o‘z o‘rniga ega bo‘lgan taniqli mutaxassis Sergey Lushchan «Dinamo» klubi bosh murabbiyi etib tayinlanganligini e’lon qilib, Sergey Ivanovichni jamoaga tanishtirdi. Unga yordamchi murabbiy sifatida Muhitdin Ortiqov yordam beradi.
Shundan so‘ng, Sergey Lushchan so‘zga chiqib, bildirilgan ishonchga munosib bo‘lish hamda yangi jamoaning rivoji uchun bor kuch va tajribasini ishga solishini aytib o‘tdi.
«Dinamo» PFK bosh direktori Uchqun Qobilov ham so‘zga chiqarkan, viloyat rahbariyati va klub homiylari hamda samarqandlik minglab muxlislar ishonchini oqlash uchun yangi bosh murabbiy bilan birga jamoa ravnaqi va Superligaga chiqishi uchun bor kuch va imkoniyatlar ishga solinishini ta’kidladi.
Samarqand viloyat hokimi, viloyat futbol assotsiatsiyasi prezidenti Erkinjon Turdimov va klub homiylari tomonidan Sergey Lushchan oldiga «Dinamo» klubini Superligaga olib chiqish, samarqandlik yosh futbolchilarni kashf etib, katta futbolga qadam qo‘yishga ko‘maklashish kabi maqsad va vazifalar qo‘yilganligi ma’lum qilindi.
Samarqandning "Dinamo" klubi 12 kun ishlagan murabbiyni iste’foga chiqardi. Bunga nima sabab bo‘ldi?
photo_2020-07-11_16-32-38
Ma’lumotnoma:
Sergey Ivanovich Lushchan
1973 yil, 9 aprel kuni Toshkent shahrida tug‘ilgan.
Futbolchilik faoliyatida to‘p surgan klublari:
«Ma’danchi» (Bekobod) (1992-93), «Okean» (Rossiya), «Krilya Sovetov» (Rossiya), «Rostselmash» (Rossiya), «Uralan» (Rossiya), «Metallurg» (Rossiya), «Yunit» (Rossiya), «Bunyodkor» (Toshkent) (2007-2008).
1998-2003 yillar O‘zbekiston milliy terma jamoasi a’zosi sanalgan.
Murabbiylik faoliyati:
«Bunyodkor» (yoshlar) – 2011-2013 yillar.
O‘zbekiston yoshlar jamoasi U-19 – 2014.
«Bunyodkor» – 2014-2017 yillar.
«So‘g‘diyona» – 2018-2019 yillar.
2020 yilning 11 iyul kunidan «Dinamo» bosh murabbiyi.
Murabbiy sifatida yutuqlari:
«Bunyodkor» klubi bilan O‘zbekiston chempionati kumush medali sohibi (2016), kubok finalchisi (2017), Osiyo chempionlar ligasi ishtirokchisi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ayrim boshqaruv servis kompaniyalari shartnomalarida asossiz shartlar belgilangani aniqlandi
Kreml Ukraina bo‘yicha muzokarada shartlar qo‘yishga urinmoqda
NATO bosh kotibi Ukrainaning frontdagi ahvoli yomonlashganini tan oldi
Blinken Isroildan uchta muammoni hal etishni talab qildi
Shols va Putin o‘rtasidagi suhbat Kiyevga signal bo‘ldi
Rossiya armiyasi Kupyanskka kirgani aytilmoqda
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
