1 888
«Chelsi» safarda «Manchester Yunayted»ni mag‘lub etib, Angliya Kubogi finaliga yo‘l oldi
Futbol bo‘yicha Angliya Kubogi yarim finalida «Manchester Yunayted» va «Chelsi» jamoalari 19 iyul, yakshanba kuni o‘zaro bahs yuritdi.
Uchrashuv teng kurashlar ostida boshlandi. Birinchi bo‘limga qo‘shib berilgan vaqtda Olive Jiru londonliklarni oldinga olib chiqdi. Ikkinchi bo‘limning ilk daqiqasida Meyson Mauntning jarima maydoni tashqarisidan yo‘llangan zarbasini David de Xea qaytara olmadi.
74-daqiqaga kelib hisob yirik ko‘rinish oldi: Sesar Aspilikuetaning uzatmasidan keyin Harri Maguayr o‘z darvozasini ishg‘ol qilib qo‘ydi. O‘yin yakunlanishi arafasida «Yunayted» futbolchilari Brunu Fernandeshning penaltidan urgan golidan keyin hisobni qisqartirdi. Biroq qolgan vaqtda Ole-Gunnar Sulsher shogirdlari vaziyatni o‘nglay olmadi.
Shu tariqa «Chelsi» Angliya Kubogi finaliga yo‘l oldi va hal qiluvchi bahsda «Arsenal» bilan o‘ynaydi. Final uchrashuvi 1 avgust kuni Londondagi «Uembli» stadionida bo‘lib o‘tadi.
Angliya Kubogi
Yarim final bahsi
«Manchester Yunayted» — «Chelsi» 1:3
Gollar: 0:1 – 45+11 Jiru, 0:2 – 46 Maunt, 0:3 – 74, avtogol Maguayr, 1:3 – 85, penalti Brunu Fernandesh.
«Manchester Yunayted»: De Xea, Uilyams, Maguayr, Bayi (Marsyal, 45), Uan-Bissaka (Fosu-Mensa, 79), Brunu Fernandesh, Fred (Pogba, 55), Jeyms (Grinvud, 56), Matich, Lindelof, Reshford (Igalo, 79).
«Chelsi»: Kabalero, Jeyms, Ryudiger, Aspilikueta, Alonso, Maunt (Pedro, 90), Kovachich (Loftus-Chik, 86), Villian (Hadson-Odoi, 80), Jorjino, Zuma, Jiru (Abraham, 80).
Ogohlantirish: Pogba (71). “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
AQSH Isroilga qurol yetkazib berishni to‘xtatdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi