O‘zbekiston milliy terma jamoasi yig‘inining bir qismida ishtirok etgan Eldor Shomurodov “Jenoa” so‘roviga ko‘ra, muddatidan oldin ortga qaytdi. Sports.uz portali muxbirlari Italiyaga yetib borgan Eldor Shomurodovdan o‘zbekistonlik muxlislar uchun intervyu berishini so‘rab murojaat qilgandi. Biroq, hujumchimiz uzr so‘ragan holda, intervyu berish uchun qoidaga ko‘ra, rahbariyatdan rasman ruxsat olishi kerakligini va hozircha, shoshmay turishni iltimos qildi.
Shunday bo‘lsa-da, biz Eldor Shomurodov atrofidagi yangilik va voqealar haqida ma’lumot berishni davom ettiramiz.
Birinchi navbatda “Jenoa” klubining rasmiy sayti Eldor Shomurodovning nomi va 61-raqami tushirilgan futbolkalar uchun Markaziy Osiyo mamlakatlaridan buyurtmalar tushayotgani haqida xabar tarqatganini aytish joiz. Bundan tashqari, klub bu futbolkalarni genuyaliklarning elektron savdo portali orqali qo‘lga kiritish mumkinligini ham ma’lum qildi. “Jenoa” sayti Eldor mintaqaning haqiqiy yulduziga aylanganini alohida tilga olgan.
Bundan tashqari, italiyalik futbol muxlislari Eldor Shomurodov imkoniyatlari bilan yaxshiroq tanishish maqsadida O‘zbekiston milliy terma jamoasining Eronga qarshi o‘tkazilgan o‘rtoqlik uchrashuvini tomosha qildi va o‘yindan so‘ng, ular “Jenoa”ning yangi hujumchisi haqida o‘z fikr-mulohazalarini bildirdi. Italiyaliklarga Shomurodovning raqib darvozasini ishg‘ol qilgani juda ma’qul keldi.
E’tiboringizga muxlislarning fikrlarini havola etamiz.
Andrea Conti:
Gol urgani zo‘r bo‘ldi. “Jenoa” futbolchisiga aylanishi bilan to‘purarlik muhoratini tiklab oldi. Eng muhimi, gol urishni A Seriyada ham davom ettirish kerak!
Roberto Boveri:
Ajoyib! Statistikaga qarab, ayrimlar uni omadsiz transfer, degandi. O‘yiniga qarasangiz, bu futbolchining zarbasi kuchli, o‘zi tezkor ekanini ko‘rasiz. Gol uning o‘ziga bo‘lgan ishonchini oshiradi.
Giampiero de Caro:
Xursand bo‘lishga biroz erta. U Osiyo mamlakatlari terma jamoalari – O‘zbekiston va Eron o‘yinida gol urdi. Rossiya chempionatida gol urolmagandi. Shunga e’tibor berish kerak.
Giacomo Sobrero:
Bizda o‘z terma jamoasida zo‘r o‘ynab, A Seriyada “yo‘qolib” qolgan futbolchilar ham ko‘p bo‘lgan.
Alessandro Di Maio
Endi Shomurodovning transferini xato, deb bo‘lmaydi. Uning goli menga umid bag‘ishlayapti!
Tommy Genoa:
Futbolchida Rossiya chempionatida o‘ynash ishtiyoqi qolmagan ekan. Bu yil Eldor chempionat miqyosida birorta gol urmadi. Lekin xalqaro maydonlarda raqiblar darvozasini ishg‘ol qilmoqda. Avvaliga Yevropa Ligasida, keyin terma jamoada gol urdi.
Valerio Mita:
Shomurodov terma jamoada doim ko‘p gol urgan. Oxirgi beshta o‘yinda yettita to‘p kiritdi. Klubda bunday bo‘lmadi. Terma jamoa va klub o‘yini farq qiladi. Shomurodov Falastin, Saudiya Arabistoni, Singapur, Yaman va Eron darvozasini ishg‘ol qildi. Eldor bundan keyin ham terma jamoada sermahsul o‘yin ko‘rsatishiga ishonaman. Lekin A Seriyada bu oson bo‘lmaydi.
Matteo Lagostena:
Gazini bos “Shoma”! Biz senga ishonamiz! Pandev bizga qarilik qilyapti, uning o‘rnini egallashing kerak! “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Eron prezidenti jiddiy bayonot berdi: «Isroildan hech narsa qolmaydi»
