2 423
Habib Nurmagomedov: Getjiga qarshi jang oldidan meni tashvishga solgan mas’uliyat yuki juda og‘ir edi
Foto: UFC
Yengil vazn toifasida UFC chempioni Habib Nurmagomedov nima sababdan Jastin Getjiga qarshi jangdan keyin faoliyatini yakunlashga qaror qilganiga izoh berdi.
- "Otam vafot etganidan so‘ng darhol jang qilishni taklif qilishdi, men bir qarorga kelishim kerak edi: yoki faoliyatimni yakunlashim yoki jang o‘tkazib, shundan keyinga ketishim kerak edi. Ba’zi yaqinlarim faoliyatimni tugatganimdan norozi, lekin men ularga yana o‘nta jang o‘tkazgan taqdirimda ham baribir qachondir ketish vaqti yetishini aytdim. 32, 34 yoki 35 yoshda.
Bu men uchun juda qiyin qaror edi, chunki butun hayotim davomida qilgan ishimni qoldirishim qiyin vazifa. Odamlar buni tushunmaydi, lekin nimadir qilishga va oldinga harakatlanishda davom etamiz.
Bilaman nafaqat Dog‘istonda, balki Rossiya va butun dunyo bo‘ylab juda ko‘p muxlislarim bor. Jang oldidan meni tashvishga solgan mas’uliyat yuki juda og‘ir edi, chunki og‘ir jarohatlarim bor edi, besh kun davomida reanimatsiyada yotdim", - deydi Habib Nurmagomedov.
24 oktabr kuni Abu-Dabidagi (BAA) «Jangchilar oroli»da bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Osiyo kubogi: O‘zbekistonning g‘alabasiga xorijdan qanday munosabat bo‘lmoqda?
O‘zbekiston U-23 terma jamoasi Indoneziyani mag‘lub etib, final va Parij Olimpiadasi yo‘llanmasini qo‘lga kiritdi
Shavkat Mirziyoyev: Jahonda investorlar uchun mislsiz kurash ketyapti
Olmaotada o‘likxona qo‘riqchisi jasadlarni zo‘rlaganlikda gumon qilinmoqda
Prezident Olimpiadaga yo‘llanma olgan futbolchilarga tabrik yo‘lladi
Toshkentda «prava» olib berish bilan bog‘liq firibgarlik holatlari fosh etildi
Orol dengizi bo‘yida mobil aloqa va internet tarmog‘i ishga tushirildi