Belarus chempionati oliy ligasida “Shaxtyor” jamoasi sharafini himoya qilayotgan Jasur Yaxshiboyevning o‘yinida pasayish yuzaga kelgani va gol urish bo‘yicha barqarorlik yetishmayotgani haqida yozgan edik.
Shu bilan birga chempionlik uchun kurashda muhim palla boshlangani, yetakchi futbolchilar aynan shunaqa paytda jamoadoshlarini o‘z ortidan ergashtirib, g‘alabalarda hal qiluvchi kuchga aylanishi lozimligini inobatga olib, Yaxshiboyevning chempionatning oxirgi turlarida o‘ziini ko‘rsatishiga umid bog‘lagandik.
Amalda ham aynan shunday bo‘lib chiqdi. “Shaxtyor” 25-turning qoldirilgan uchrashuvida Bobruysk shahrida chempionat autsayderlaridan biri “Belshina” mehmoni bo‘ldi. Bu uchrashuvdagi g‘alaba soligorskliklarni yana chempionlik uchun kurashga qaytarishi bilan o‘ta ahamiyatli edi. Chunki bu o‘yindagi uch ochko Yaxshiboyev jamoasini chempionat peshqadami BATEga maksimal darajada yaqinlashtirardi.
Oliy ligadagi joyini saqlab qolish uchun kurashayotgan “Belshina” ham osonlikcha taslim bo‘lgisi kelmadi. O‘zidan kuchli bo‘lgan “Shaxtyor”ga jiddiy qarshilik ko‘rsatgan mezbonlar ikkinchi bo‘limda Jasur Yaxshiboyevning mahoratiga tan berishga majbur bo‘ldi. Jasur jarima nuqtasidan super zarba yo‘llab, hisobni ochdi.
Oradan ikki daqiqa o‘tar-o‘tmas, “Belshina” himoyachilari va darvozabonini ojiz qoldirgan o‘zbekistonlik futbolchi ikkinchi golini nishonladi. Jasur o‘yin oxirigacha o‘zining legioner sifatidagi birinchi xet-trigini qayd etdi. Bir so‘z bilan aytganda, tarixiy natija. Yana ikkita gol Yulius Szoke va Yuriy Kendish hisobiga yozildi. Mezbonlarning yagona javob to‘pini Denis Levitskiy kiritdi.
Safardagi muhim bellashuvni 5:1 hisobida o‘z foydasiga hal qilgan “Shaxtyor” ochkolari sonini 52 taga yetkazib, ikkinchi o‘rindagi mavqeini mustahkamladi. Eng yuqori pog‘onadan joy olgan BATE hisobida 53 ochko bor.
Oliy liganing 28-turida “Shaxtyor” o‘z maydonida BATEni qabul qiladi. Bu shubhasiz, chempionatning markaziy uchrashuvi bo‘ladi. Chempionlik masalasi aynan mana shu to‘qnashuvda hal etilishi kutilmoqda. Chunki qolgan ikki turda yetakchilar kuchsiz jamoalar bilan kuch sinashadi va bunday keskin vaziyatda ularning ochko yo‘qotishi dargumon. Xususan, “Shaxtyor” o‘rtamiyona klublar – “Rux” va “Minsk” futbolchilariga qarshi maydonga chiqadi. BATE esa autsayder “Belshina” va oltinchi o‘rindagi “Dinamo-Minsk” bilan o‘ynaydi.
Biz uchun quvonarlisi, “Belshina” darvozasini uch marotaba aniq nishonga olgan Jasurbek Yaxshiboyev yana to‘purarlar poygasida g‘oliblikka da’vogarga aylandi. Bu o‘yingacha BATE vakili Maksim Skavishdan to‘rtta to‘p farqi bilan ortda qolgan hamyurtmiz asosiy raqobatchisiga yetib olishiga bitta gol qoldi. Hozircha Skavishda 17 ta, Jasurda esa 16 ta gol bor.
Demak, Belarus chempionatida BATE va “Shaxtyor” oltin medal uchun kurashni davom ettiradigan bo‘ldi. Jasur Yaxshiboyev va Maksim Skavish esa, to‘purarlar poygasida g‘oliblik uchun o‘zaro raqobatlashadi.
Shuningdek, Jasur Yaxshiboyev Belarus chempionatining eng yaxshi futbolchilari reytingida ham dastlabki turlardan beri birinchi pog‘onani hech kimga bermay kelmoqda.
Buyog‘iga BATE va “Shaxtyor” oldida uchtadan o‘yin qoldi. Shuningdek, bu bahslar Jasur Yaxshiboyev va Maksim Skavish uchun ham juda muhim. Kurash oxirigacha davom etadi. Chempionat g‘olibi oltin medallardan tashqari, kelasi mavsumda Yevropa Chempionlar ligasida ishtirok etish huquqini beruvchi yo‘llanma bilan ham taqdirlanadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
AQSH Isroilning ikki vaziriga sanksiya qo‘llamoqchi
Rossiya armiyasi Kupyanskka kirgani aytilmoqda
NATO bosh kotibi Ukrainaning frontdagi ahvoli yomonlashganini tan oldi
AQSH harbiylari orasida o‘z joniga qasd qilish ko‘paydi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Erdo‘g‘on Turkiya Isroil bilan aloqalarini uzganini ma’lum qildi
