3 425
Ro‘ziqul Berdiyev: Agar AGMK finalda ham bugungidek o‘ynasa, ularga hech qanday imkoniyat yo‘q!
“Nasaf” klubi O‘zbekiston Kubogining yarim finalida Olmaliqda AGMKga qarshi bahsda yagona gol evaziga mag‘lubiyatga uchradi va musobaqani tark etdi. Garchi qarshiliklar ko‘plab imkoniyatlar yaratganiga qaramay, gol urishni uddalay olmadilar. Uchrashuv nihoyasiga yetgach, “Nasaf” bosh murabbiyi Ro‘ziqul Berdiyev jurnalistlarning savollariga javob qaytardi.
- O‘ylaymanki, mavsum biz uchun omadli keldi. Asosiy vazifamiz yuqori o‘rinlardan birini egallash edi, buni yigitlar uddaladi. Shuning uchun aytmoqchimanki, “Nasaf” jamoasining muxlislari faxrlansa bo‘ladi. Bugungi o‘yinni juda yomon boshladik. Dastlabki daqiqalarda AGMKda tashabbus bo‘lishini bilgandik. Shunga asosan yaxshi himoyalanishimiz va darvozamizdan gol o‘tkazib yubormasligimiz kerak edi. Afsuski, bu istagimiz amalga oshmadi. Qolgan 60-70 daqiqa davomida o‘yin bizning ustunligimiz ostida o‘tdi. Lekin futbolda gol urish kerak. Gol urilmasa mag‘lubiyatga uchraysiz. Bugun o‘yinda ustunlik qilgan bo‘lsak-da, mag‘lubiyatga uchradik. AGMK jamoasini g‘alaba bilan tabriklayman va keyingi uchrashuvda omad tilayman.
Agar AGMK finalda ham bugungi darajasida o‘ynaydigan bo‘lsa, ularga hech qanaqa imkoniyat yo‘q. Bu mening shaxsiy fikrim.
Hali qarzdorliklar to‘liq bartaraf etilgani yo‘q. Ba’zi joylarda qarzdorliklardan to‘liq qutuldi, degan gap-so‘zlarni o‘qiyapman, hayronman, bunday ma’lumotni kim beryapti ekan. Ammo bunday emas. Ha, qisman berishdi, ammo hali qarzdorlik bor.
Mukofot haqida Namangandagi o‘yindan avval yozishdi. “Navbahor”ga qarshi uchrashuvdan oldin ham, keyin ham biz klub rahbarlari bilan uchrashganimiz yo‘q. Agar syurpriz qiladigan bo‘lishsa, bu gap futbolchilarga yetib kelishi kerak edi, motivatsiya bo‘lish uchun. Biroq bu haqida bizga hech kim gapirmadi.
Jamoamizni tark etishi mumkin bo‘lgan o‘yinchilar haqida men ham eshityapman. Ha, shartnomasi tugayotgan futbolchilar bor. Hammasini vaqt ko‘rsatadi. Biz hali rahbariyat bilan o‘tirib keyingi reja haqida gaplashganimiz yo‘q, - dedi Ro‘ziqul Berdiyev. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
