Infantino: «Qatardagi jahon chempionati tomoshabinlar to‘la stadionlarda o‘tadi»

FIFA va JSST hamkorlikda o‘tkazgan matbuot anjumanida Janni Infantino Qatardagi 2022 yilgi jahon chempionati tomoshabinlar to‘la stadionlarda o‘tishini ma’lum qildi.

«Stadionlar to‘ladi. U paytga borib koronavirus ustidan g‘alaba qozonamiz, barchamiz u bilan birga yashashga o‘rganamiz», — jurnalist Rob Harris FIFA prezidentidan ana shu iqtibosni keltirdi.

Eslatib o‘tamiz, jahon chempionati 2022 yilning 21 noyabridan 18 dekabriga qadar Qatarning besh shahrida o‘tkazilishi rejalashtirilgan.