Italiya A Seriyasining 23-turi doirasida eng qiziqarli uchrashuvlardan biri Genuyada bo‘ldi. Mahalliy “Jenoa” jamoasi joriy mavsumda ishonchli o‘yin ko‘rsatayotgan “Verona” futbolchilarini qabul qildi.
Ko‘pchilikni ushbu jamoalar o‘rtasidagi bellashuvda qaysi jamoaning qo‘li baland kelishi qiziqatirar edi. Verona shahrida o‘tgan va Eldor Shomurodov A Seriyada debyut qilgan birinchi o‘yinda hisob ochilmagan edi.
Ikkinchi davra o‘yini Genuyada bo‘ldi. Shunga qaramay, dastlabki daqiqalardan mehmonlar ustunlik qildi.Natija ham uzoq kutilmadi. Ivan Ilich 17-daqiqada hisobni ochdi. Bellashuvning birinchi yarmida to‘liq ustunlik “Verona” tomonida bo‘ldi.
Tanaffusdan so‘ng, Davide Ballardinining maydonga Eldor Shomurodovni tushirgani vaziyatni o‘zgartirib yubordi. O‘zbek legioneri ilk urinishida raqib himoyachisini ortda qoldirib, gol urdi.
O‘yinning qolgan qismi qizg‘in kurashlarga boy bo‘ldi. Garchi Marko Faraone mezbonlar darvozasini yana ishg‘ol qilgan bo‘lsa-da, so‘nggi soniyalardan genuyaliklar Milan Badel harakati bilan mag‘lubiyatdan qutilib qoldi.
Futbolchilarning o‘yinini baholab boradigan whoscored.com sayti “Jenoa” va “Verona” bahsida mehmon futbolchilar orasida eng yuqori ballni birinchi gol muallifi Ivan Ilichga berdi. Mutaxassislar serbiyalik yarim himoyachi xatti-harakatlarini 8 ballga munosib ko‘rdi. Shu kuni mezbonlardan yaxshi o‘ynagan mehmonlarning aksariyat o‘yinchilari yuqori ball oldi.
“Jenoa” tarkibida eng yaxshi futbolchi jamoasini mag‘lubiyatdan qutqarib qolgan Milan Badel bo‘ldi. U whoscored.com mutaxassislar uning o‘yinini ham 8 ballga loyiq ko‘rdi. Muhim pallada gol urib, jamoasi o‘yinida burilish yasagan Eldor Shomurodov 7,1 bilan jamoadoshlari safida ikkinchi bo‘ldi. Zaxiradan maydonga tushgan futbolchilar orasida bu eng yaxshi natija sifatida qayd etildi.
Umuman olganda, Shomurodovning A Seriya uchrashuvdagi ballariga nazar tashlasak, asosan barqaror o‘yin namoyish etayotgani oydinlashadi. Hamyurtimiz o‘zi o‘ynagan uchrashuvlarda eng past ballga “Inter”ga qarshi o‘yinda loyiq ko‘rilgan. O‘shanda atigi 25 daqiqa o‘ynagan Eldorga 5,8 ball berilgan.
Shomurodov gol urgan uchta o‘yinda ham whoscored.com mutasaddilari tomonidan 7 balldan yuqori baholangan. “Sassuolo”ga qarshi bahs uchun unga qo‘yilgan 7,88 ball hozircha Eldor uchun eng baland ko‘rsatkich bo‘lib turibdi.
“Verona” ushbu uchrashuvdagi durangdan so‘ng, ochkolari sonini 34-taga yetkazib, musobaqa jadvalida to‘qqizinchi o‘rinda bormoqda.
Mag‘lubiyatsiz seriyasini yettita o‘yinga yetkazgan “Jenoa” esa, hozircha 26 ochko bilan 11-pog‘onani band etgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Har qanday katta yoshdagi kishi yetuk emas
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
NATO bosh kotibi Ukrainaning frontdagi ahvoli yomonlashganini tan oldi
Erdo‘g‘on Turkiya Isroil bilan aloqalarini uzganini ma’lum qildi
Blinken Isroildan uchta muammoni hal etishni talab qildi
Borrel YEIning Isroil bilan muloqotini to‘xtatishni taklif qildi
Ishchi-xodimlar manfaatlari himoya qilindi
