Jahon chempioni bo‘lgan bokschi qizga qanday avtomobil sovg‘a qilindi?

13-23 aprel kunlari Polshaning Kelse shahrida boks bo‘yicha yoshlar o‘rtasida jahon chempionati bo‘lib o‘tdi. Unda hamyurtimiz Nigina O‘ktamova (-54 kg) g‘alaba qozonib, o‘zbek bokschi qizlari orasida ilk bor jahon chempionligini qo‘lga kiritdi.

Shunday tarixiy natija qayd etgan bokschimiz hukumatimiz tomonidan munosib taqdirlandi. Bokschimizga ushbu tarixiy natijasi uchun “Nexia-3” mashinasi topshirildi. Bu haqda MOQ matbuot xizmati xabar berdi.