Vadim Abramov: «Futbolchilar shunday qilishimni so‘rashdi, rad eta olmadim»

O‘FA navbatdagi tashqari kongressida O‘zbekiston milliy terma jamoasi bosh murabbiyi Vadim Abramov nega Odil Ahmedovning himoya markazida o‘ynatilganiga izoh berdi.
«Odil Ahmedov nima uchun himoyada o‘ynadi? O‘yindan oldin aksariyat futbolchilar kelib, Odil himoyada o‘ynamoqchi ekanligini aytishdi.

Aniqrog‘i, Aziz Haydarov kelib shunday dedi. Yakunda birgalikda shunday qarorga keldik. Himoyadagi muammoni kuchli pressing orqali bartaraf etmoqchi bo‘lgandik. Futbolchilar bu haqda so‘raganidan keyin buni rad eta olmadim va Ahmedov himoyaga qo‘yildi», – deydi bosh murabbiy. “Zamin” yangiliklarini “Telegram”da kuzatib boring