OFK Kubogi 1/8 final bahslari sanasi va mezbonlari ma’lum bo‘ldi. Qarshining «Nasaf» klubi 1/8 final o‘yinini 25 avgust kuni Turkmanistonning «Ahal» klubiga qarshi o‘tkazadi. Turkman jamoasi o‘yinni o‘z maydonida qabul qila olmasligini bildirgach, mezbonni aniqlash uchun qur’a tashlashga hojat qolmadi va OFK o‘yin Qarshida o‘tishini ma’lum qildi.
1/8 finaldagi g‘alaba Ro‘ziqul Berdiyev jamoasini Markaziy Osiyo mintaqasi g‘olibi sifatida to‘g‘ridan to‘g‘ri yarimfinalga olib chiqadi. Chunki janub (Maldiv, Hindiston, Bangladesh) va ASEAN (Vetnam, Tailand, Kamboja, Filippin) jamoalari o‘rtasidagi guruh bosqichi o‘yinlari mezbon hudud topilmagani hamda koronavirusning avj olishi tufayli o‘tkazilmadi.
OFK musobaqalarni o‘tkazish qo‘mitasi turnirni qatorasiga ikkinchi yil qoldirishni xohlamadi va o‘yinlarni Janub/ASEAN mintaqasi klublarisiz davom ettirishga qaror qildi. Natijada endi chorakfinal bo‘lmaydi va «Nasaf»da Qarshidagi g‘alaba orqali yarimfinalga yo‘l olish imkoniyati paydo bo‘ldi.
«Nasaf» «Ahal»ni mag‘lub etib yarimfinalga chiqsa, 20 oktabr kuni Honkongning «Li Man Uorriors» klubi bilan bilan to‘qnash keladi. G‘olib bir o‘yinda aniqlanadi va mezbon qur’a tashlash orqali ma’lum bo‘ladi.
Qarshiliklar finalga chiqqan taqdirda safarda harakat qilishadi. 5 noyabr kuni bo‘lib o‘tadigan hal qiluvchi o‘yin birinchi «setka»da g‘olib bo‘lgan arab jamoasi («Muharraq», «Al Ahad», «Kuvayt», «As Salt»dan biri) maydonida o‘tkaziladi.
Ma’lumot uchun, «Nasaf» 2011 yil OFK kubogida chempion bo‘lgan. Bu o‘zbek klublarining xalqaro maydondagi yagona rasmiy chempionligi hisoblanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
APL. “Liverpul” 6 ta gol urilgan o‘yinda “Tottenhem”ni mag‘lub etdi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi