09:41 / 03.08.2021
1 218

Rasman: «Roma» Eldor Shomurodovni 17,5 mln yevro evaziga sotib oldi

Rasman: «Roma» Eldor Shomurodovni 17,5 mln yevro evaziga sotib oldi

Foto: «Roma» rasmiy sayti
Italiyaning «Roma» klubi o‘zbekistonlik hujumchi Eldor Shomurodovni o‘z safiga qo‘shib olganini e’lon qildi.

Rim klubi Eldor Shomurodovni «Jenoa»dan 17,5 million yevro evaziga xarid qildi. U «Roma» bilan 2026 yil 30 iyuniga qadar mo‘ljallangan shartnoma imzoladi. O‘zbekiston milliy terma jamoasi hujumchi yangi klubi safida 14-raqamda harakat qiladi.

Avvalroq Rim klubi Shomurodovni sotib olish majburiyati bilan ijaraga olishi, bitim qiymati 17,5 million yevroni tashkil qilishi xabar berilgandi. Shuningdek, 2,5 million miqdoridagi ehtimoliy bonuslar ham nazarda tutilishi aytilgandi. Bundan tashqari «Jenoa» futbolchining keyingi transferidan 10% ulushga ega bo‘lishi ta’kdilangandi.

Italiyalik insayder Janluka di Marsio tomonlarning 2 avgust dushanba kuni shartnoma imzolashini ma’lum qilgandi.
Qayd etish joiz, 2020 yilning yanvar oyida Eldorga Turinning «Yuventus»idan ham qiziqish bo‘lgan.

Shomurodov 2020/21 yilgi mavsum boshida «Rostov»dan 7,5 million yevro evaziga «Jenoa»ga o‘tgandi. Bungacha u «Mash’al» va «Bunyodkor» klublarida to‘p surgan. Eldor ortda qolgan mavsumda A Seriyada 31 ta o‘yin o‘tkazib, 8 ta gol urishga muvaffaq bo‘ldi.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Rasman: «Roma» Eldor Shomurodovni 17,5 mln yevro evaziga sotib oldi
[/banner_pushhouse