Foto: «Roma» FK
Mavsumoldi tayyorgarlik jarayonlarini o‘tkazayotgan «Roma» jamoasi 7 avgust kuni «Betis»ga qarshi nazorat bahsida qatnashdi.
Uchrashuvning 4-daqiqasida Rodri Sanches ispanlarni oldinga olib chiqdi.
27-daqiqada Eldor Shomurodov raqib darvozaboni bilan birga-bir vaziyatga chiqib bordi va rimliklar safidagi debyut golini urdi. Oradan ko‘p o‘tmay «Betis» Nabil Fekirning goli bilan javob qaytardi.
Ikkinchi bo‘lim debyutida italyanlar standart vaziyatdan keyin muvozanatni tikladi. Burchakdan uzatib berilgan to‘pga Shomurodov boshi bilan zarba berdi va darvoza to‘sinini nishonga oldi. Qaytgan to‘pni Janluka Manchini bo‘sh darvozaga joylab qo‘ydi.
58-daqiqada Aleks Moreno ispanlarning uchinchi golini urdi. Shundan so‘ng «Roma»ning uch vakili qizil kartochka olib, maydonni tark etdi. Lorenso Pellegrini 59-daqiqada, Manchini 65-daqiqada, Rik Karsdorp esa 78-daqiqada chetlatildi. Shuningdek, 60-daqiqada rimliklar ustozi Joze Mourino ham qizil kartochkaga loyiq ko‘rildi.
Shomurodov 67-daqiqada zaxiraga olindi. 80-daqiqada Kristian Telyo to‘rtinchi golni urgan bo‘lsa, oradan uch daqiqa o‘tib, Rober Gonsales yakuniy hisobni o‘rnatdi. Qayd etish joiz, mazkur o‘yin rasmiy maqomga ega emas.
«Betis» Ispaniya — «Roma» Italiya 5:2
Gollar: 1:0 – 4 Rodri, 1:1 – 27 Shomurodov, 2:1 – 30 Fekir, 2:2 – 51 Manchini, 3:2 – 58 Moreno, 4:2 – 80 Telyo, 5:2 – 83 Gonsales.
«Betis»: Ruy Silva, Moreno, Ruis, Sabali (Montoyya, 17), Edgar Gonsales, Rodri (Vilyam Karvalyu, 72), Kanales (Guardado, 52), Ruibal (Xoakin, 73), Akuoku (Gonsales, 72), Fekir, Iglesias (Telyo, 73).
«Roma»: Ruy Patrisiu (Fuzato, 70), Manchini, Smolling (Rojer, 46), Kalafyori, Karsdorp, Pellegrini, Diavara (Veretu, 46), Mxitaryan (ash-Shaaravi, 46), Kristante (Bove, 46), Zaniolo (Karles Peres, 63), Shomurodov (Kumbula, 67).
Ogohlantirishlar: Karsdorp (12), Pellegrini (37), Mxitaryan (41), Zaniolo (53), Manchini (58).
Chetlatishlar: Pellegrini (59), Manchini (65), Karsdorp (78). “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Fayzullayev va Yevropa: unga berilgan ikki xil baho...
