Joze Mourino: Eldor Shomurodov «Roma»ga kelishi bilan o‘zini ko‘rsatdi

^{Foto: Instagram / Eldor Shomurodov}
«Roma» klubi bosh murabbiyi Joze Mourino rimliklarning yangi hujumchisi Eldor Shomurodov haqidagi fikrlari bilan o‘rtoqlashdi.

- "Eldorni nega sotib oldik, chunki bizga harakatchanlik, tezlik va hujumdagi mobillik kerak edi. Bu transferdan juda mamnunmiz. Oxir-oqibat reaksiya aql bovar qilmas darajada bo‘ldi.

Buni ko‘pchilik kutmagandi, chunki hozirgi qiyin transfer bozorida bunday futbolchini qo‘lga kiritish yaxshi natija.

U kelgan kunidan ikki kun o‘tib o‘zini ko‘rsatdi. «Betis»ga qarshi o‘yinda yaxshi harakat qildi, ikkita golda qatnashdi va biz qanday futbolchi qo‘lga kiritganimizni ko‘rsatib qo‘ydi", - deydi «Roma» bosh murabbiyi Joze Mourino.

Shomurodov rimliklarning «Betis»ga qarshi nazorat o‘yinida (2:5) gol urdi. «Raja» klubiga qarshi o‘yinda (5:0) esa bitta gol va golli uzatma muallifiga aylandi.

Rim klubi Eldor Shomurodovni «Jenoa»dan 17,5 million yevro evaziga xarid qildi. Shomurodov «Roma» bilan 2026 yil 30 iyuniga qadar mo‘ljallangan shartnoma imzoladi. O‘zbekiston milliy terma jamoasi hujumchisi yangi klubi safida 14-raqamda harakat qiladi.

Shomurodov 2020/21 yilgi mavsum boshida «Rostov»dan 7,5 million yevro evaziga «Jenoa»ga o‘tgandi. Bungacha u «Mash’al» va «Bunyodkor» klublarida to‘p surgan. Eldor 2019/20 yilgi mavsumda A Seriyada 31 ta o‘yin o‘tkazib, 8 ta gol urishga muvaffaq bo‘ldi. “Zamin” yangiliklarini “Vkontakti”da kuzatib boring