2 207
Davron Fayziyev: Mana shu uchlik o‘zaro tushunib, bog‘lam yuzaga keltirishi lozim. Shunda Shomurodovning gollari ko‘payadi
UYEFA Konferensiyalar ligasi pley-off bosqichida "Trabzonspor" hamda "Roma" jamoalari o‘zaro bellashdi. Uchrashuvda Lorenso Pellegrini 55-daqiqada hisobni ochgan bo‘lsa, oradan 9 daqiqa o‘tib, Kornelius muvozanatni tikladi. Ushbu bahsda rasmiy o‘yinlardagi debyutini nishonlagan Eldor Shomurodov 81-daqiqada "bo‘rilar"ga g‘alaba keltirgan golga mualliflik qildi.
O‘yindan keyin taniqli sharhlovchi Davron Fayziyev telegramdagi sahifasida Shomurodovning goliga munosabatini bildirdi.
- Birinchi navbatda biz uchun katta xursandchilik - Eldor Shomurodov “Roma”dagi rasmiy uchrashuvda ilk golini urdi. Boz ustiga Yevrokubokda. Rimliklar uchun murakkab bahsda hal qiliuvchi gol muallifiga aylandi. Bu golning qadrini oshiradi.
Tan olish kerak, mazkur bellashuvda “Roma”ning o‘yini chiqmadi. Ko‘rinib turibdiki, jamoa yangilanmoqda. Birinchi navbatda yangi murabbiy. U hali to‘liqligicha o‘z g‘oyalarini singdirgani yo‘q. Misol uchun, Nikolo Zanolo, Genrix Mxitaryan alohida harakat qilgandek bo‘ldi. O‘zaro kombinatsiyalarni ko‘rmadik. Natijada Shomurodov ko‘pincha darvozaga tezkari hollarda to‘pni qabul qildi. Mana shu uchlik o‘zaro tushunib, bog‘lam yuzaga keltirishi lozim. Shunda gollar ko‘payadi.
“Roma” minimum ustunlikdan va imkoniyatdan maksimal natija chiqara oldi. Rimliklar birinchi taymda darvozaga deyarli zarba berishmadi. Ikkinchi 45 daqiqalikda ham imkoniyatlar ko‘p bo‘lmadi. Biroq kichik imkoniyatni golga aylantirgani, Mourinoga xos jihat.
Ammo ko‘rib turibmizki, potensial bor. Xususan, Eldor Shomurodov yonib o‘ynayapti. Vaziyatlar yuzaga keltirishga, o‘zi sheriklariga yordamlashishga tayyor. Jamoadoshlaridan ko‘mak ham kutadi. Mana shu kombinatsiyalar ishlab ketguncha hali “Roma”da vaqt bor.
Bu bilan hali rimliklar “Trabzonspor”dan o‘tgani yo‘q. “Olimpiko” stadionida javob uchrashuvi bo‘ladi va unda ham Shomurodovdan gol kutib qolamiz, - dedi Davron Fayziyev.
Endi tomonlar javob o‘yinida 1 haftadan keyin Rimda to‘qnash keladi. Mazkur juftlik g‘olibi guruh bosqichiga yo‘l oladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Immunitetni ko‘tarish uchun 6 ta eng yaxshi vitamin
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
Rossiya Kursk viloyatidagi hududlarini qaytarib olishga 50 ming harbiy to‘pladi
