Nursulton Ro‘ziboyev "Open FC 10" turnirida o‘z jangini o‘tkazdi

Moskvada davom etayotgan "Open FC 10" turnirida yurtimizning eng ko‘zga ko‘ringan MMA vakillaridan biri Nursulton Ro‘ziboyev ham o‘z jangini o‘tkazdi.

U Braziliya vakili Aleks De Paulaga qarshi oktagonga ko‘tarildi. Mazkur jang o‘rta vazn (83.9 kg) toifasida o‘tkazildi.

Ushbu qarama-qarshilikda kutilganidek, hamyurtimiz o‘z ustunligini namoyish etgan holda, birinchi raundning o‘zida texnik nokaut bilan g‘alaba qozondi. Quvonarlisi, ushbu g‘alaba unga promoushenning o‘rta vazn toifasidagi chempionligini taqdim etdi!