Bugun 6 nafar o‘zbekistonlik bokschi yarim final yo‘llanmasi uchun jang qiladi

^{Foto: AIBA}
Serbiyaning Belgrad shahrida bo‘lib o‘tayotgan boks bo‘yicha Jahon chempionatida 2 noyabr kuni musobaqaning chorak final bahslari o‘tkaziladi.
Kun davomida olti nafar o‘zbekistonlik bokschi ringga ko‘tariladi. Kunduzgi dasturdan o‘zbekistonlik bokschilar ishtirokidagi to‘rtta jang o‘rin olgan. Yana ikki jang kechki dastur doirasida o‘tkaziladi.

-48 kg: Nodirjon Mirzahmedov — Temirtas Jussupov (Qozog‘iston) – 17:00;
-60 kg: Abdumalik Halokov — Vsevolod Shumkov (Rossiya) – 17:50 dan so‘ng;
-75 kg: Saidjamshid Ja’farov — Viparon Jongjoxo (Tailand) – 19:15 dan keyin;
+92 kg: Lazizbek Mullajonov — David Chaloyan (Armaniston) – 20:15 dan so‘ng;
-63,5 kg: Mujibillo Tursunov — Endi Kruz (Kuba) – 22:55 dan keyin;
-92 kg: Madiyor Saidrahimov — Lyuis Uilyams (Angliya) – 00:40 dan so‘ng.

Eslatib o‘tamiz, O‘zbekiston delegatsiyasining 13 nafar ishtirokchisidan faqat olti nafari chorak finalga qadar yetib keldi. Hasanboy Do‘stmatov, Shohjahon Abdullayev, Mirazizbek Mirzaxalilov, Shahram G‘iyosov, Shahobiddin Zoirov, Asadxo‘ja Mo‘ydinxo‘jayev va Odiljon Aslonov esa Jahon chempionatini erta tark etdi. “Zamin” yangiliklarini “Telegram”da kuzatib boring