Foto: «Uza.uz»
12 noyabr kuni poytaxtimizdagi «Yunusobod» sport majmuasida sambo bo‘yicha kattalar o‘rtasidagi jahon chempionatiga start berildi. 46-marotaba tashkil etilayotgan mazkur chempionatda dunyoning 50 dan ortiq davlatidan 400 nafarga yaqin sambochi medallar uchun bahs olib boradi.
Bu haqda Turizm va sport vazirligi matbuot xizmatiga tayanib O‘zA xabar berdi.
Uch kun davom etadigan musobaqada erkaklar, ayollar hamda jangovar sambo yo‘nalishlarining har birida 7 tadan vazn toifasida jami 21 ta medallar jamlanmasi o‘ynaladi.
«Yunusobod» sport majmuasida jahon chempionatining tantanali ochilish marosimi bo‘lib o‘tdi. Unda O‘zbekiston Respublikasi Bosh vazirining o‘rinbosari – turizm va sport vaziri Aziz Abduhakimov, Xalqaro sambo federatsiyasi prezidenti Vasiliy Shestakov, O‘zbekiston Milliy olimpiya qo‘mitasi raisi Rustam Shoabdurahmonov, Rossiya Federatsiyasi Milliy olimpiya qo‘mitasi prezidenti Stanislav Pozdyakov ishtirok etdi.
«Bugungi kunda O‘zbekiston sambochilari nafaqat Osiyo, balki jahonda ham yetakchi o‘rinlarda e’tirof etilmoqda. Jumladan, shu yil oktabr oyida Gretsiya davlatida bo‘lib o‘tgan yoshlar va o‘smirlar o‘rtasidagi jahon chempionatida sportchilarimiz 6 ta oltin, 3 ta kumush va 8 ta bronza medallarni qo‘lga kiritib, umumjamoa hisobida 2-o‘rinni egalladi.
O‘z navbatida yurtimizda sambo sportiga berilayotgan e’tiborni yuksak darajada baholab, kattalar o‘rtasidagi jahon chempionati mezbonligini O‘zbekistonga ishonib topshirganligi uchun Xalqaro sambo federatsiyasiga minnatdorlik bildiramiz», – dedi A.Abduhakimov.
12 noyabr kuni ishtirokchilar har uchala yo‘nalishda 7 ta vazn toifasida bellashdi. Hamyurtlarimiz orasidan faqat ayollar o‘rtasida -50 kilogramm vazn toifasida vatanimiz sharafini himoya qilgan Sabina Davlatova finalga yetib bordi.
U hal qiluvchi bahsda belaruslik sportchiga so‘nggi daqiqada yutqazib qo‘ydi va kumush medalga sazovor bo‘ldi.
Bugungi bellashuvlarda -59 kilogramm vazn toifasida Ibodatxon Agojonova hamda jangovar sambo bo‘yicha +98 kilogramm vaznda Hakimjon Ismoilovlar bronza medali bilan taqdirlanishdi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Borrel YEIning Isroil bilan muloqotini to‘xtatishni taklif qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Sirdaryoda YTH sodir etgan haydovchidan pul olgan YPX xodimi qamaldi
Revanshda g‘alaba qozonish uchun Tayson Fyuriga nima kerak?
