Coca-Cola Superliga 25-turidan o‘rin olgan “Andijon” – “Navbahor” (1:2) uchrashuvidan keyin mehmonlar bosh murabbiyi Viktor Jalilov o‘yin haqidagi fikrlari bilan o‘rtoqlashdi.
- “Andijon” va “Navbahor” o‘rtasidagi o‘yinlar har doim jamoalar uchun qiyin kechadi. Natijalarni oldindan aytib bo‘lmaydi. Guvohi bo‘lganingizdek, birinchi davrada biz o‘z maydonimizda yutqazgandik, bugun andijonliklar maydonida g‘alaba qozondik. Lekin bugungi natija adolatli bo‘ldi. Har holda, bizda darvozani ishg‘ol qilish uchun imkoniyatlar ko‘proq bo‘ldi. Kichik ustunlikka erishdik, - deydi Viktor Romanovich.
- “Navbahor” birinchi davradagi mag‘lubiyat alamini olish uchun ham bugun kuchliroq o‘ynadi, deb hisoblaysizmi?
- Har bir jamoaning o‘ziga yarasha maqsadlari bo‘ladi, har bir jamoa o‘yinni kuchaytirishni istaydi. Bu yerda turnir nuqtai nazaridan ham motivatsiya bor edi. Bilamizki, hozir “Andijon”ning turnir jadvalidagi ahvoli og‘ir. Elitada jon saqlash uchun kurashyapti. Biz esa 5-o‘rinni egallash uchun harakat qilyapmiz. Shu bois, g‘alaba qozonishga astoydil intildik. Bugun durang qayd etganimizda ham 5-o‘rindan umid uzardik. Hozir esa imkoniyat saqlanib turibdi. Qolaversa, derbi - bu baribir, derbi. Jamoalarimiz o‘rtasidagi o‘yinlar har doim keskin kurashlar ostida o‘tadi. Namangan, Andijon va Farg‘ona jamoalari o‘rtasidagi uchrashuvlar geografik nuqtai nazardan hamisha tomoshabop o‘tadi.
- Murabbiylar shtabi keyingi mavsumda ham “Navbahor”dagi faoliyatini davom ettiradimi?
- Katta ehtimol, davom ettiradi. Shartnomalar bor, majburiyat bor. Umuman olganda, hozir keyingi mavsumda nima bo‘lishini emas, “Qo‘qon-1912”ga qarshi kechadigan o‘yin haqida o‘ylayapmiz.
“Navbahor” PFK matbuot xizmati.
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
