Yevropa Ligasi va Konferensiyalar Ligasida pley-off bosqichiga yo‘l olgan jamoalar

^{Kollaj: UYEFA}
Yevrokuboklarda 9 dekabr kuni guruh bosqichining so‘nggi o‘yinlari o‘tkazildi va keyingi bosqichga yo‘l olgan barcha jamoalar nomi bo‘ldi.

Yevropa Ligasi guruh bosqichida birinchi o‘rinni olgan jamoalar to‘g‘ridan to‘g‘i 1/8 finalga yo‘l olgan. Ikkinchi o‘rin egalari esa YECHL guruh bosqichida uchinchi o‘rin olgan jamoalar bilan o‘tish o‘yinida ishtirok etadi va uning g‘olibi nimchorak final ishtirokchisiga aylanadi.

Birinchi o‘rin egalari: «Spartak», «Lion», «Monako», «Ayntraxt», «Galatasaroy», «Srvena Zvezda», «Bayer», «Vest Hem».

YECHLda uchinchi o‘rinni olganlar: «Zenit», «Leypsig», «Portu», «Borussiya D», «Sherif», «Barselona», «Atalanta» va «Sevilya».

Yevropa Ligasida 2-o‘rin egalari: «Reynjers», «Real Sosedad», «Napoli», «Olimpiakos», «Latsio», «Braga», «Betis», «Dinamo» Zagreb.

Xuddi shu tizim Konferensiyalar Ligasida ham qo‘llaniladi. Yevropa Ligasi guruh bosqichining 3-o‘rin sohiblari o‘tish o‘yinida mazkur musobaqaning ikkinchi o‘rin egalari bilan o‘ynaydi. Birinchi o‘rinni olgan jamoalar esa 1/8 finalga yo‘l olgan.

Eldor Shomurodov jamoasi o‘z guruhida birinchi o‘rinni olgan holda Konferensiyalar Ligasi nimchorak finaliga chiqdi. Shuningdek, «AZ», «Bazel», «Kopengagen», «Feyenoord», «Gent», «LASK», «Renn» kabi jamoalar ham o‘z guruhini birinchi o‘rinda yakunlagan.

Pley-off bosqichiga 13 dekabr, dushanba kuni qur’a tashlanadi. “Zamin” yangiliklarini “Twitter”da kuzatib boring