Turkiya yig‘ini doirasida so‘nggi nazorat bahsini "Paxtakor" Yevropaning nomdor klublaridan biri Ukrainaning "Dinamo"siga qarshi o‘tkazadi.
Kiyevliklar nafaqat MDH, balki butun Yevropadagi eng mashhur va sovrindor jamoalardan biri sanaladi. Klub hisobida turli musobaqalarda qo‘lga kiritilgan 70dan ortiq sovrinlar mavjud. "Dinamo" SSSR chempionatida 13 bor, SSSR Kubogida 9 marta va SSSR Superkubogida 3 bor g‘olib chiqqan. 1975 va 1986 yillarda UYEFA Kubok egalari Kubogida zafar quchgan. 1975 yil UYEFA Superkubogiga ham ega chiqqan.
Ukrainada 1992 yildan o‘tkazib kelinayotgan chempionatda 16 marta chempionga aylangan va 30 yil ichida faqat bir marta ikkinchi pog‘onadan pastga tushgan. Ukraina Kubogida 13, Superkubogida 9 karra g‘olibga aylangan. MDH Chempionlari Kubogida kiyevliklar 4 bor g‘olib bo‘lgan.
Jamoa safidan Yevropa darajasidagi yulduzlar yetishib chiqqan va haligacha "Dinamo" o‘z iqtidorli futbolchilarini kuchli chempionatlarga yetkazib berishda davom etmoqda. Jamoa Ukrainaning amaldagi chempioni hisoblanadi. Bosh murabbiy sifatida ruminiyalik Mircha Luchesku faoliyat ko‘rsatmoqda.
SSSR chempionati doirasida jamoalar o‘zaro 40 bellashuvda to‘qnash kelishgan. "Paxtakor" 7, "Dinamo" 23 bahsda g‘olib bo‘lgan, 10 o‘yinda durang qayd etilgan. 36 to‘p kiritgan "sherlar" 68 gol o‘tkazib yuborgan. MDH Kubogida 2008 yil kechgan bellashuvda Zayniddin Tojiyevning goli yutuq keltirgan.
"Paxtakor" va "Dinamo" Kiyev o‘rtasidagi o‘yin 19 fevral kuni Toshkent vaqti bilan 19:00da Belekdagi "Mardan Palas" stadionida boshlanadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Putin Xitoy talabalariga qanday maslahat berdi?
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Orzudagi uy — qishda issiq, yozda salqin. Bunga qanday erishish mumkin?
Eron prezidentini olib ketayotgan vertolyot halokatga uchradi
Mansab pillapoyalari: unga kimlar munosib?
Pnevmatik qurollarni o‘z ixtiyori bilan topshirganlar javobgarlikdan ozod etiladi
Ukraina prezidenti mahbuslarni safarbar qilish to‘g‘risidagi qonunni imzoladi
Messining salkam 1 million dollarga sotilgan salfetkasi haqida