Buyuk Britaniyaning mashhur Mirror nashri “Roma” to‘purari Temmi Abraxam haqida kutilmagan xabar tarqatdi. Manbaning ma’lum qilishicha, angliyalik hujumchi tez orada “Chelsi”ga qaytishni istamoqda.
Bunga bosh murabbiy Joze Mourino atrofida yuzaga kelayotgan muammoli vaziyatlar Abraxamga yoqmayotgani sabab bo‘lmoqda. Aslida portugaliyalik mutaxassis poytaxt klubini yuqori o‘rinlar va sovrinlar uchun kurashadigan jamoaga aylantirishi kerak edi. Temmi ham “Chelsi”da eng baland cho‘qqilarni zabt etishga ishtiyoqmand qilib tarbiyalangan.
“Roma” joriy mavsumda o‘z oldiga qo‘yilgan maqsadlarning aksariyatini bajara olmasligi tobora oydinlashib bormoqda.
“Chelsi”da birinchi bo‘lib Temmi Abraxamni xarid qilish huquqi bor. Buning uchun “aristokratlar” 80 million yevrodan voz kechishi talab etiladi. “Chelsi” hujumchi masalasida muammoni hal qila olgani yo‘q. Abraxamning Londondan ketishiga sabab bo‘lgan Romelu Lukaku “Chelsi” uslubiga tushmadi va yozda boshqa jamoaga o‘tmoqchi.
Abraxam esa “Roma” safidagi o‘yinlari orqali kuchli beshlik chempionatlarida o‘ynayotgan angliyaliklar o‘rtasida eng sermahsul hujumchiga aylandi. Temmi joriy mavsumda “Roma” safida barcha turnirlarda 34 ta uchrashuvda 18 ta gol urib, jamoadoshlariga to‘rtta golli pas oshirdi.
Buni inobatga olgan Angliya terma jamoasi murabbiylar shtabi uni yana tarkibga qaytardi.
Angliya matbuotining yozilishicha, Abraxam o‘zini tarbiyalagan klubdan uni qayta sotib olish huquqidan tezroq foydalanishni so‘ramoqchi bo‘lyapti.
Ta’kidlash joizki, Abraxam rimliklar safini tark etadigan bo‘lsa Eldor Shomurodovda asosiy tarkibga kirish imkoni paydo bo‘ladi. Chunki legionerimiz Abraxam kelgunga qadar “Roma”ning asosiy hujumchisi vazifasini ajoyib tarzda uddalayotgan edi.
“Roma” Oliveyrani olishga shoshilmaydi
Yanvar oyida “Roma” sport direktori Tyagu Pinto bosh murabbiy Joze Mourino talabi bilan “Portu”dan yarim himoyachi Serjiu Oliveyrani ijaraga olgan edi.
Tomonlar kelishuviga ko‘ra, rimliklar mavsum yakunlangach, tajribali o‘yinchini 12 million yevroga to‘liq transfer qilish huquqini qo‘lga kiritdi. Dastlabki uchrashuvlardayoq yuqori saviyali o‘yin o‘tkazgan portugaliyalik o‘yinchining harakatlari Joze Mourinoga ma’qul keldi.
Bosh murabbiy yozda o‘z hamyurtini to‘liq transfer qilish istagini bildirgandi. Biroq klub mutasaddilari bu borada shoshilmoqchi emas. Oliveyra qolgan uchrashuvlarda ham haqiqatan jamoaga kerakli barqaror ijrochi ekanini isbotlashi talab etiladi.
Serjiu Oliveyra Rimga kelganidan beri A Seriyada beshta o‘yin o‘tkazib, ikkita gol va bitta assist qayd etdi.
Manchini “gapga” ko‘nadigan bo‘ldi
“Roma”ning asosiy himoyachilaridan Janluka Manchini klub bilan yangi bitim tuzilga roziik berdi.
Ma’lumotlarga qaraganda, iste’dodli futbolchi 2026 yilning 30 iyuniga qadar davom etadigan bitimni imzolagan. Klub rahbariyati futbolchiga 2024 yilning yarmigacha tuzilgan avvalgi shartnomasida qayd etilgan bonuslarni ham to‘lashga rozi bo‘lgan.
Manchini yangi kelishuv bo‘yicha har mavsum uchun 3 million yevro va turli bonuslar olishi belgilab qo‘yildi.
25 yoshli himoyachi joriy mavsumda barcha turnirlarda 30 marotaba maydonga tushib, raqiblar darvozasini bir bor ishg‘ol qildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nima uchun badavlat insonlar doim oddiy kiyinadi?
Vengriya hukumati Ukrainaga noqonuniy qurol yetkazib berishning oldini olganini ma’lum qildi
Yuk mashinalari haydovchilari uchun yangi tartib kuchga kirdi
Leonid Kuchma: Rossiya bilan urushmaslik uchun Ukraina oldida ikki yo‘l bor edi
O‘t qopidagi toshlar qanday va qayerdan paydo bo‘ladi?
Hande Erchel turk madaniyatini rivojlantirishga qo‘shgan hissasi uchun mukofotlandi
Toshkentning uch tumanida elektr ta’minoti vaqtincha o‘chiriladi
“Oltin to‘p” tashkilotchilari nima uchun mukofot Vinisiusga emas, Rodriga berilganini tushuntirdi
